Մեծ Բրիտանիայի խորհրդարանում օրեր առաջ հնչեց հայտարարություն, թե Միացյալ Թագավորությունը պատրաստ է աջակցել Հայաստանին՝ ընդդեմ Ռուսաստանից եկող հնարավոր սպառնալիքների: Մինչ այդ տեղի էր ունեցել Հայաստանի ԱԽ քարտուղարի ու Բրիտանիայի MI6 գաղտնի հետախուզական ծառայության ղեկավարի հանդիպումը, եւ հայ-բրիտանական հարաբերությունները բնութագրվել էին որպես ռազմավարական երկխոսություն:
Արեւմտյան եւ, առհասարակ, միջազգային քաղաքականության էությունը հասկանալու համար հպանցիկ կանդրադառնանք այն քաղաքականությանը, որ քրդերի նկատմամբ վարում էր Արեւմուտքը վերջին տասնամյակներում:
Գաղտնիք չէ, որ Մերձավոր Արեւելքում քրդերը հատուկ խաղաքարտ են, որոնց երբ ուզեն՝ կօգտագործեն, երբ ուզեն` կզոհաբերեն։ Այսպես՝ անհրաժեշտության դեպքում Թուրքիայի, Սիրիայի, Իրաքի, Իրանի հետ ինչ-որ խնդիր լուծելիս քրդերին ակտիվացնում են, հույսեր տալիս եւ օգտագործում՝ որպես մսացու։ Հետո, երբ պետք է լինում այդ երկրների հետ կարգավորել հարաբերությունները, քրդերին զոհաբերում են՝ իբրեւ մատաղացու գառ։ Եվ սա մշտապես կրկնվում է։ Փաստորեն քրդերն ընդամենը «արյունատու» խաղաքարտ են։
Կովկասում նույն դերը հայերին է վերապահված. պետք լինի՝ սարեր կխոստանան, պետք լինի՝ թնդանոթի միս կդարձնեն: Փոքր Հայաստանի արյան հաշվին մեծ երկրները կարող են միմյանց ներել կամ հաշտվել իրար հետ, կարող են փոխշահավետ գործարքներ կնքել, ընդ որում՝ ՀՀ-ի տարածքը մանրադրամի տեղ օգտագործելով։ Նման վարվելակերպը բնորոշ է բոլոր քաղաքական համակարգերին, անկախ նրանից՝ ազատակա՞ն են, թե՝ ժողովրդավար, բռնապետակա՞ն են, թե՝ ավանդական։
Կարդացեք նաև
Մերկապարանոց չլինելու համար կբերենք որոշ փաստեր ու կոնկրետ օրինակներ՝ ցույց տալու համար, թե ինչպես էր 20-րդ դարում Արեւմուտքը բարձրագոչ խոստումների քողի տակ վարվում քրդերի հետ: 1987-1989 թվականներին Սադամ Հուսեյնի կողմից Իրաքի հյուսիսում քրդերի դեմ իրականացվեց «Անֆալ» գործողությունը, այսինքն՝ քրդերի ցեղասպանություն: Հիմնահատակ ոչնչացվեց մոտ 5.000 գյուղ, սպանվեց մինչեւ 182.000 մարդ, 700.000 հազարը տեղավորվեց համակենտրոնացման ճամբարներում, շուրջ 1 միլիոն մարդ դարձավ փախստական: Որոշ գյուղերի ոչնչացման ժամանակ քիմիական զենք էր կիրառվել:
Հոդվածն ամբողջությամբ՝ «Հայացք Երևանից» թերթի այս համարում
