«Հանրապետություն» կուսակցության նախագահ Արամ Սարգսյանի ֆեյսբուքյան գրառումը
Ցանկացած ոլորտ դրական արդյունք է տալիս իր միջավայրում։ Այդպիսին է Աստծո ստեղծած բնությունը։ Եթե մշակույթը չպետք է լինի քաղաքի ու առավել ևս մայրաքաղաքի բովանդակությունը և կենտրոնը, ի՞նչը պետք է լինի։ Դե եկեք Մատենադարանն էլ տեղափոխենք…
ԱՄՆ Սիլիկոնային հովտում տեխնիկական, տնտեսական, բնագիտական ուղղություններն են։ Մշակութային և հումանիտար մասնագիտություններ այնտեղ չկան։ Մեր հարևան Վրաստանը Մյունխենի տեխնոլոգիականի մասնաճյուղ է ստեղծում 25-30.000 ուսանողի համար։ Ես միանշանակ կողմ եմ բնական գիտությունների առումով ուսանողական քաղաքին, որ կունենա բոլոր ուղղություններով հագեցած ու ժամանակակից լաբորատորիաներ և կրթությունը գիտելիք տվող հաստատություններից կվերածվի նաև գործնականում գիտելիք արտադրողի։
Երևանի Կոմիտասի անվան կոնսերվատորիան ճիշտ իր միջավայրում է և դա է պատճառը, որ լավ արդյունք է ապահովել։
Կարդացեք նաև
Ես ոչ նպատակահարմար եմ համարում մշակութային և հումանիտար մասնագիտություններով բուհերի տեղափոխումը, ուստի միանում եմ Կոմիտասի անվան կոնսերվատորիան չտեղափոխելու ստորագրահավաքին՝ համարելով իմ քաղաքացիական պարտականությունը։
