ՀՀ ԱԳ նախարարի տեղակալ Վահան Կոստանյանի հանդիպումը ՄԱԿ ԵՏՀ գործադիր քարտուղար Տատյանա Մոլչանի հետ
Մարտի 13-ին ՄԱԿ Եվրոպական տնտեսական հանձնաժողովի կողմից կազմակերպված ԿԶՆ տարածաշրջանային ֆորումի շրջանակներում ՀՀ ԱԳ նախարարի տեղակալ Վահան Կոստանյանը հանդիպում է ունեցել ՄԱԿ ԵՏՀ գործադիր քարտուղար, ՄԱԿ Գլխավոր քարտուղարի տեղակալ Տատյանա Մոլչանի հետ։
Հանդիպման ընթացքում զրուցակիցներն անդրադարձել են Հայաստան-ՄԱԿ համագործակցությանը, Հայաստանում Կայուն զարգացման նպատակների արդյունավետ իրականացմանը և այդ ուղղությամբ ՄԱԿ Եվրոպական տնտեսական հանձնաժողովի հետ ծրագրային համագործակցության ընթացքին ու հեռանկարներին։
Կողմերը քննարկել են Հայաստանում և տարածաշրջանում տրանսպորտային ենթակառուցվածքների համակողմանի և ներառական զարգացման, տնտեսական ներուժի իրացման ուղղությամբ ակտիվ համագործակցության հեռանկարները։
Կարդացեք նաև
Այդ համատեքստում ԱԳ նախարարի տեղակալն ընդգծել է Եվրոպական տնտեսական հանձնաժողովի կողմից իրավական, փորձագիտական և տեխնիկական աջակցության կարևորությունը։
Նախարարի տեղակալն իր գործընկերոջը մանրամասն ներկայացրել է ՀՀ կառավարության կողմից մշակված «Խաղաղության խաչմերուկ» ծրագիրը։
Անդրադարձ է կատարվել Հայաստանում վերականգնվող էներգետիկայի, կանաչ տնտեսության և շրջակա միջավայրի պահպանության ուղղությամբ համագործակցությանը և թիրախային ծրագրերի իրականացմանը։
ՀՀ ԱԳՆ
