Ի՞նչ պայման է դրել Ադրբեջանը՝ գերիների վերադարձման դիմաց, ինչո՞ւ ՀՀ տարածքում հայտնված ադրբեջանցու դիմաց գեթ մեկ գերի չվերադարձվեց. այսօր հրավիրած ասուլիսում ՀՀ վարչապետ Նիկոլ Փաշինյանն այս հարցին ի պատասխան՝ ասաց. «Շատ վաղուցվանից ՀՀ-ի ու Ադրբեջանի միջեւ գոյություն է ունեցել ու շարունակում է գոյություն ունենալ մի պայմանավորվածություն, որ այն զինվորները, ովքեր մոլորվելով հայտնվում են հակառակ կողմում, կարճ ժամանակ անց վերադարձվում են: Այս պայմանավորվածությունը իքս պահից՝ 2018-ից առաջ եւ հետո էլ խախտվել է, պարզվել է, որ ընկալման շուրջ կան տարբերություններ, որովհետեւ այն զինծառայողները կամ անձինք, ովքեր դիտավորյալ են խախտել, կամ թեկուզ մոլորվելու ընթացքում գործել են ինչ-որ արարքներ, որոնք տեղավորվում են Քրեական օրենսգրքի մեջ, հասկանալիորեն կան բարդություններ այդ խնդիրը լուծելու: Մենք Ադրբեջանի նախագահի հետ հանդիպումների ժամանակ փոխադարձաբար վերահաստատել ենք, որ եթե շփոթվելու դեպք լինի, պետք է վերադարձվի»:
Փաշինյանն ասաց, որ քննության արդյունքներով է պարզվել՝ անձը արդյոք դիտավորյա՞լ է հատել սահմանը ու պարզվել է, որ ոչ:
RA Prime Minister Nikol Pashinyan gives a press conference at the RA Government building in Yerevan, Armenia
Ըստ Փաշինյանի, դա խոսում է ՀՀ ինստիտուցիոնալ բարեփոխումների ու ժողովրդավարական էության մասին. «Երբ որ պարզել ենք, որ օբյեկտիվորեն անցած զինվորին Քրեական օրենսգրքի որեւէ հոդվածով մեղադրելու հիմա չկա, բնականաբար, պետք է գործի այն պայմանավորվածությունը, որը կա: Դա արվում է որպես ներդրում՝ այդ բարձրագույն մակարդակում ձեռք բերված պայմանավորվածությունները հետագայում կյանքի կոչելու համար: Մենք չգիտենք՝ հաջորդ զինվորը որ կողմից կլինի: Ես հույս ունեմ, որ մեր զինվորները չեն շփոթվի»:
Իսկ եթե շփոթվեն, Ադրբեջանը նույն կերպ կվարվի՞՝ Փաշինյանն ասաց, որ այդ հարցին կարող է պատասխանել, երբ նման դեպք լինի. «Որեւէ մարդու կալանքի տակ պահելու համար պետք են իրավական հիմքեր, եթե այդ հիմքերը չկան, ՀՀ-ն չի կարող պահել կալանքի տակ ու պահել որպես պատանդ, դա մեր երկրի գործելակերպը չէ»:
Կարդացեք նաև
Հռիփսիմե ՋԵԲԵՋՅԱՆ
Գնա՛, գնա գտիր քո երազած “խելացի անասնագոմը” եվ որոճա՝ մոռացած լինելով, որ ջահել հորթիդ երեկ մորթեց տերդ։