Արցախի պետական նախարարի նախկին խորհրդական Արտակ Բեգլարյանի ֆեյսբուքյան գրառումը
ՀՀ Ազգային ժողովի նախագահ Ալեն Սիմոնյանը հերթական վտանգավոր ու անտրամաբանական հայտարարությունն է արել, որ եթե Ադրբեջանը հրաժարվի Հայաստանի դեմ միջազգային հայցերից, ապա հնարավոր է, որ Հայաստանն էլ հրաժարվի Ադրբեջանի դեմ հայցերից։
Առանց մանրամասն ներկայացնելու, թե որքան անհիմն են ադրբեջանական հայցերը Հայաստանի հանդեպ՝ միայն ասեմ, որ մեր հավաքական ու անհատական իրավունքներից հրաժարվելու հերթական հանձնվողական գործողությունը բերելու է նորանոր ողբերգություններ: Ոչ մի իրեն հարգող ժողովուրդ ու պետություն չի կարող հրաժարվել իր բնական իրավունքներից ու ճշմարտությունից, ընդ որում՝ հանուն ոչնչի և հանուն մի ցեղասպան բռնապետի բավարարման:
Ավելին, Ադրբեջանի դեմ հայցերը ամրապնդում և ամրապնդելու են մեր ռազմավարական գործիքակազմը՝ հետևողական ու արդյունավետ կերպով պայքարելու մեր իրավունքների վերականգնման ու արդարության համար: Վստահաբար, այդ հայցերը հաջողությամբ են պսակվելու, և բռնապետ Ալիևը նաև դրանցից է վախենում:
Կարդացեք նաև
ՀՀ իշխանությունները պետք է զերծ մնան նման ոչ միայն գործողություններից, այլև՝ հայտարարություններից ու մտադրություններից: Էլ չասեմ, որ մի շարք այլ հայցեր ներկայացնելու անհրաժեշտություն կա, այդ թվում՝ Ցեղասպանության կանխարգելման կոնվենցիայի և Հռոմի ստատուտի հիման վրա:
