Հակակոռուպցիոն դատարանում դատավոր Կարապետ Բադալյանի նախագահությամբ շարունակվեց բնապահպանության նախկին նախարար Արամ Հարությունյանի, նրա կնոջ եւ փեսայի դեմ գլխավոր դատախազության ապօրինի ծագում ունեցող գույքի բռնագանձման պահանջով հերթական դատական նիստը:
Ապացույցների ներկայացման այս փուլում քննարկման առարկա դարձան մի քանի միջնորդություններ, որոնց վերաբերյալ դատարանի կայացրած որոշումներից ոչ բոլորի հետ են համաձայն պատասխանող կողմի ներկայացուցիչները: Մասնավորապես, փաստաբան Արթուր Հովհաննիսյանը Aravot.am-ին ասաց, որ իրենց համար տարակուսելի են դատարանի երկակի մոտեցումները:
Նիստը հետաձգվեց: Հաջորդը նշանակվեց ապրիլի 2-ին, ժամը 15:00-ին: «Դեռեւս մի քանի ապացույց կա, որ չէր ներկայացվել: Մենք խնդրել էինք, որ դատարանի միջոցով հարկայինը որոշակի տեղեկություն տար: Դատարանը մեր միջնորդությունը բավարարել էր, բայց մինչեւ հիմա հարկայինը ինֆորմացիա չէր փոխանցել: Հիմա սպասում ենք նաեւ դրան», ասաց Արթուր Հովհաննիսյանը:
Կարդացեք նաև
Աշոտ ՀԱԿՈԲՅԱՆ
