Հատվածներ ԵՄ արտաքին քաղաքականության ծառայության ղեկավար Ժոզեպ Բորելի երեկ կայացած Եվրախորհրդարանի նիստում Հայաստան-ԵՄ հարաբերությունների մասին ելույթից․
«Մենք գտնվում ենք ԵՄ-Հայաստան հարաբերությունների պատմական փուլում: Դրանք երբեք ավելի ուժեղ չեն եղել, քան այսօր։ Սա հաստատվեց երկու շաբաթ առաջ՝ ԵՄ-Հայաստան գործընկերության հինգերորդ խորհրդում։ Դեռ հոկտեմբերին այս լիագումար նիստում վարչապետ Փաշինյանը շատ հստակ ուղերձ է հղել՝ Հայաստանը պատրաստ է մոտենալ Եվրամիությանը։ Ի պատասխան՝ Եվրոպական խորհուրդը հանձնարարել է բարձր ներկայացուցչին և հանձնաժողովին՝ ուսումնասիրել ԵՄ-Հայաստան հարաբերությունների ամրապնդման ուղիները՝ իրենց բոլոր չափումներով: Անցած ամիսների ընթացքում մենք աշխատել ենք այդ ուղղությամբ»:
«Մարդկանց միջև ուժեղացված շփումների համար մենք քննարկում ենք վիզայի ազատականացման երկխոսություն սկսելու տարբերակները: Հայաստանն արտահայտել է իր մեծ հետաքրքրությունը այս հարցում, և մենք խրախուսել ենք երկրի ղեկավարությանը՝ ակտիվացնել աշխատանքը համապատասխան բարեփոխումների ուղղությամբ: Վիզաների ազատականացման երկխոսության մեկնարկը կարևոր քաղաքական ազդակ կհղի Հայաստանի քաղաքացիներին և լծակներ կապահովի հետագա բարեփոխումների համար»:
«Հայաստան-Ադրբեջան հարաբերությունների կարգավորման գործընթացին մեր ամուր հանձնառությունը մնում է անփոփոխ։ Մենք պատրաստ ենք աջակցել կայուն խաղաղությանը, որը հիմնված է երկու երկրների ինքնիշխանության, սահմանների անձեռնմխելիության և տարածքային ամբողջականության ճանաչման սկզբունքների վրա։ Մենք մերժում ենք ցանկացած ուժի կիրառում կամ ուժի կիրառման սպառնալիք և շարունակում ենք աջակցել հակամարտությունների խաղաղ կարգավորմանը»:
Կարդացեք նաև
«Հայկական ալիք»
