Լեռնային Ղարաբաղից տեղահանված անձանց կողմից՝ պետական ծրագրերով՝ Հայկական Կարմիր խաչի ընկերության (ՀԿԽԸ) կողմից 40000+10000 դրամների կանխիկ աջակցության տրամադրման ընթացքում առաջացած խնդիրների վերաբերյալ սոցիալական ցանցերում բարձրացված բողոքների կապակցությամբ հայտնում ենք, որ․
ՀԿԽԸ անձնակազմի մեծ մասը, ս․թ․ փետրվարի 9-ից հրաժարվել է աշխատել նախկին նախագահ Մխիթար Մնացականյանի կողմից անօրինական նշանակված գործադիր տնօրենի հետ, քանի որ վերջինս, նշանակվելու պահից սկսել է սպառնալ աշխատակիցներին քրեական գործերով, եթե նրանք չենթարկվեն իր ապօրինի հրամաններին։
Բացի այդ, փետրվարի 16-ին, նույն տնօրենը թույլ չտվեց փետրվարի 15-ին ՀԿԽԸ 28-րդ արտահերթ համագումարում նախագահ ընտրված Աննա Եղիազարյանի և անձնակազմի մուտքը կենտրոնական գրասենյակ, երբ, այնուամենայնիվ, պատասխանատվություն զգալով շահառուների առաջ, նրանք փորձեցին վերադառնալ աշխատանքի։
Այնպես որ, մինչ օրս ՀԿԽԸ թիմի մեծ մասը մուտք չունի ՀԿԽԸ կենտրոնական գրասենյակ և պատասխանատվություն չի կրում գրասենյակում իրականացված գործունեության, փաստաթղթերի և գույքի օգտագործման, ինչպես նաև կատարված ֆինանսական գործարքների համար։
Կարդացեք նաև
(Անօրինական տնօրինության հետ հրաժարվել են աշխատել հետևյալ բաժինների ղեկավարները և աշխատակիցների մեծ մասը՝ 1․ Աղետների կառավարման, 2․ Առաջին օգնության, 3․ Որոնում ծառայության, 4․ Լրատվական և լուսաբանման, 5․ Սոցիալ-առողջապահության (փոխարինող), 6․ Երիտասարդական, կամավորության և անդամակցության, 7․ Կազմակերպության զարգացման, 8․ Հաշվապահության, 9. Միջազգային բաժնի վարիչը գտնվում է դեկրետային արձակուրդում, 10 մարզային, տարածքային և, համապատասխանաբար՝ նշված մարզերի բոլոր համայնքային մասնաճյուղերի ղեկավարներն ու անձնակազմը)։
Ցավում ենք, որ ՀԿԽԸ-ն զավթած ապօրինի տնօրինության, նախկին նախագահի և նախկին նախագահության գործողությունների պատճառով տուժում են մեր շահառուները։
ՀԿԽԸ նախագահ Աննա Եղիազարյանի առաջարկությամբ և ՀԿԽԸ նախագահության որոշմամբ, Գործադիր մարմնի ղեկավարի փոփոխության հայտ է ներկայացված ՀՀ ԱՆ Իրավաբանական անձանց պետական Ռեգիստրի գործակալություն, որի բավարարումից հետո հնարավորինս սեղմ ժամկետներում ՀԿԽԸ թիմը կկարողանա վերականգնել կազմակերպության բնականոն ընթացքը, շտկել ստեղծված իրավիճակը և պատշաճ կերպով շարունակել իրականացնել Հայկական Կարմիր խաչի ընկերության մարդասիրական առաքելությունը։
Նախկին նախագահի և նրա շրջապատի կողմից Հայկական Կարմիր խաչի ընկերության զավթման հանգամանքների մասին առավել մանրամասն կարող եք ծանոթանալ՝ անցնելով հետևյալ հղումներով․
https://youtu.be/ze9b57IqHQk?si=hrW9BJg9cxMRu46w
Բողոքի հղում
Հայկական Կարմիր խաչի ընկերություն
