«Իրականում ոչ ոք չէր կարող ճանաչել Ազատ Արցախը Ադրբեջանի կազմում: Ամբողջ հայ ժողովրդից եւ ամբողջ աշխարհում դա արել է ընդամենը մեկ մարդ՝ Նիկոլ Փաշինյանը: Նրա ստորագրած ոչ մի փաստաթուղթ չի վավերացվել ՀՀ-ում: Նրա ստորագրած ոչ մի փաստաթուղթ քննության չի առնվել ՍԴ-ում, հետեւաբար դա ապօրինի է եւ ՀՀ-ի անունից պարտավորություն չէ, դա միայն իր պարտավորությունն է: Հետեւաբար, իրեն հեռացնելով՝ մենք հեռացնում ենք նաեւ այդ պարտավորությունները»,- այսօր Ազատության հրապարակում ղարաբաղյան շարժման տարեդարձին նվիրված եւ վարչապետ Փաշինյանի հրաժարականի պահանջով հանրահավաքի ժամանակ հայտարարեց ՍԴ աշխատակազմի նախկին ղեկավար, նախկին դեսպան Էդգար Ղազարյանը:
Նրա խոսքով՝ Արցախը զավթված է բացառապես ապօրինի ռազմական հանցագործության հետեւանքով. «Այդ ռազմական հանցագործներն են Իլհամ Ալիեւն ու Նիկոլ Փաշինյանը: Հայ ժողովուրդը ընդամենը մի բան կարող է հանձնել Ադրբեջանին՝ հայտնի մուրճի վրայից քանդի բանտիկը, կապի հայտնի մեկի գլխին եւ դա հանձնի Ադրբեջանին, ուրիշ բան մենք չունենք հանձնելու»:
Նրա խոսքով, Արցախը վերադառնալու է իր նախկին տերերին:
Կարդացեք նաև
Հռիփսիմե ՋԵԲԵՋՅԱՆ
