ՌԴ նախագահի մամուլի քարտուղար Դմիտրի Պեսկովը համաձայնել է Փաշինյանի հետ. Ուկրաինայի հարցում Մոսկվայի և Երևանի դիրքորոշումները տրամագծորեն հակադիր են, հայտնում է «Կոմերսանտ»-ը:
«Մենք տրամագծորեն հակառակ տեսակետներ ունենք Ուկրաինայում տեղի ունեցողի և Ուկրաինայի շուրջ հակամարտության վերաբերյալ։ Դա գաղտնիք չէ։ Ուստի սա մեր հայ ընկերների հայտնի դիրքորոշումն է։ Մենք նրանց հետ այս հարցում համաձայն չենք և համառորեն կշարունակենք բացատրել, որ մենք իրավացի ենք»,- լրագրողներին ասել է Պեսկովը:
ՀՀ վարչապետ Նիկոլ Փաշինյանը Գերմանիայում հայ համայնքի ներկայացուցիչների հետ հանդիպման ժամանակ հայտարարել էր, որ Հայաստանն Ուկրաինայի հարցում Ռուսաստանի դաշնակիցը չէ, հայտնում է Սպուտնիկ Արմենիան:
Փաշինյանը մասնավորապես ասել էր, որ Ուկրաինայի հարցում մեր ընկալումն այն է, որ Ալմա Աթայի հռչակագիրն է մեր անկախությունները ճանաչելու, տարածքային ամբողջականությունները ճանաչելու հիմքը: Մեր տրամաբանությամբ նույնը պետք է գործի նաև Ուկրաինայի պարագայում:
