Ռուս ընդդիմադիր գործիչ Ալեքսեյ Նավալնիի մահվան լուրից մի քանի ժամ անց՝ այս պահին, Երևանում Ռուսաստանի դեսպանատան դիմաց հավաքվել են մեծաթիվ մարդիկ, ռուսաստանցիներ։ Նրանք հավաքվել են՝ արտահայտելու իրենց հարգանքն ու ցավը Պուտինի հիմնական քննադատի մահվան կապակցությամբ, հայտնում է «Ազատություն» ռադիոկայանը:
Նրանք պաստառներ ունեն՝ «Ներիր մեզ, Լյոշա», «Ռուսաստանը կլինի ազատ» և նմանատիպ այլ գրառումներով, նաև ուղիղ մեղադրանքներով Ռուսաստանի իշխանություններին Նավալնիի, իրենց բնորոշմամբ, «սպանության» համար։
«Մարդիկ համաձայն չեն, որ այսօր երկրում պատերազմ է ընթանում, իսկ ընդդիմության ամենագլխավոր ղեկավարին այսօր, կարելի է ասել, բերդում սպանում են։ Այս մարդիկ, որ այսօր հավաքվել են այստեղ, պատասխանատվությունը Վլադիմիր Պուտինի վրա են դնում», – ասաց հավաքվածներից մեկը։
Անմիջապես Ռուսաստանի դեսպանատանը մոտենալ ցուցարարներին չհաջողվեց, նրանք շենքի դիմացի մայթում են։ Ցույցը խաղաղ է ընթանում։
Կարդացեք նաև
«Ցնցված եմ, շոկի մեջ, մենք ցավ ենք զգում, մենք՝ բոլորս սգում ենք, Ռուսաստանը կորցրեց իր մեծ հայրենասերին», – ասաց մեկ այլ ցուցարար։
«Ես կարծում եմ, որ այստեղ հավաքված բոլոր մարդկանց մեկ ցանկություն է միավորում, որ Պուտինը հեռանա, իսկ ամենալավը կլինի, որ Հաագայի դատարանի առաջ կանգնի», – հավելեց մյուսը։
Տեսանյութը` «Ա1+»-ի
это дезертиры, сбежавшие через КПП Ларс на велосипедах
․․․это дезертиры, сбежавшие через КПП Ларс на велосипедах, շնորհակալություն։ Թող մխիթարվեն Հայաստանի Նավալնիով։ Մի կերպ կդիմանան։