Aravot.am-ի տեղեկություններով, Գյումրու «Երեխաների տուն» ՊՈԱԿ-ի նախկին տնօրենի պարտականությունները ժամանակավոր կատարող Պ․ Վ․-ն, կասկածվում է պետությանը էական վնաս՝ 6.661.729 դրամ պատճառելու մեջ։
Գյումրու ոստիկանության Մուշ բաժին ստացված տեղեկությունների համաձայն, տնօրենի պարտականությունները կատարողը 2019-2023թթ. աշխատանքի է ընդունել հարազատ եղբորը՝ Պ․ Վ․-ին և իր մտերիմներից մեկին՝ Լ․ Ս․-ին, որոնք չհաճախելով աշխատանքի՝ ստացել են հաստիքային աշխատավարձեր:
Ոստիկանության Մուշ բաժնի ծառայողների կողմից ձեռնարկված միջոցառումների արդյունքում պարզվել է, որ Պ.Վ․-ն, տնօրենի պարտականությունները ժամանակավոր կատարողը պայմանագիր կնքելով նրանց հետ և քաջատեղյակ լինելով այդ երկու անձանց աշխատանքի չհաճախելու ու պայմանագրով սահմանված պարտականությունները չկատարելու մասին, չարաշահել է իր լիազորությունները, դրանք ի վնաս պետական և ծառայողական շահերի է օգտագործել, չի կատարել իր ծառայողական պարտականությունները․ միջոցներ չի ձեռնարկել նրանց պայմանագրերը լուծելու համար, ինչի արդյունքում նրանց տևական ժամանակ պետբյուջեից որպես աշխատավարձ վճարվել է ընդհանուր 6.661.729 դրամ։
Կազմված փաստաթղթերն ուղարկվել են ՀՀ հակակոռուպցիոն կոմիտե:
Միայն Գյումրիում չէ, էլի քաղաքներ կան, որ սկսել եք, բոլոր քաղաքներում էլ ուսումնասիրություններ իրականացրեք։