Հայաստանի հատուկ հանձնարարություններով դեսպան Էդմոն Մարուքյանն անդրադարձել է իրեն հաճախ տրվող հարցին, թե արդյո՞ք Ադրբեջանը կրկին հարձակվելու է Հայաստանի վրա։
Մարուքյանը սոցցանցի X հարթակում նշել է՝ իր պատասխանն այդ հարցին այն է, որ Ադրբեջանը չունի որևէ օրինական հիմք՝ Հայաստանի վրա հարձակվելու համար։ Ավելին, 2021 թվականից սկսած՝ Ադրբեջանի բոլոր գործողությունները ագրեսիա են և միջազգային քրեական իրավունքի համաձայն համարվում են հանցագործություններ։
«Ադրբեջանի կողմից հայկական տարածքների օկուպացիան մնում է անպատիժ։ Միջազգային հանրությունը պետք է ընդունի Ադրբեջանի ռազմական ագրեսիայի լեգիտիմության բացակայությունը և պահանջի դուրս բերել իր զորքերը օկուպացված տարածքներից՝ կոչ անելով վերադառնալ բանակցություններին»,- նշել է Մարուքյանը։
Կարդացեք նաև
I am often asked whether Azerbaijan will attack Armenia again. My answer is that Azerbaijan lacks any legitimate grounds for attacking Armenia. All actions since 2021 constitute aggression and are deemed crimes under international criminal law. Azerbaijan's occupation of Armenian…
— Edmon Marukyan (@edmarukyan) February 16, 2024
