Հաշվի առնելով հայկական պետականությանը սպառնացող գոյութենական վտանգներն ու անվտանգային սպառնալիքները հայկական պետությունը կարիք ունի անվտանգության և պաշտպանության այնպիսի հայեցակարգի, որը հնարավորություն կտա երկրի պաշտպանության և դիմադրողականության բարձրացման գործընթացում ներառել հայության ողջ ներուժը (համապարփակ պաշտպանության եւ անվտանգության համակարգ – ՀՊԱՀ), որի հիմնարար սկզբունքները, ներդրման մեխանիզմները, իրացման հնարավորությունները տևական ժամանակ տարբեր մակարդակներում մշակվել, փորձարկվել և ներկայացվել են ՀՀ Անվտանգության խորհրդին ու ՀՀ պաշտպանության նախարարությանը։
Սակայն Սուրեն Պապիկյանի գլխավորած պաշտպանության նախարարության կողմից ստացվել է «ոչ նպատակահարմար լինելու» անհիմն պատասխան, իսկ վարչապետ Նիկոլ Փաշինյանի կողմից ՀՊԱՀ-ն մեկնաբանվել է որպես կամավորական հատվածական քայլեր, սա խեղաթյուրում է համապարփակ մոտեցման էությունը։
Մենք խստորեն դատապարտում ենք Հայաստանի պաշտպանության եւ անվտանգության համակարգի կերպափոխման գործընթացում ՀՀ բարձրագույն ռազմաքաղաքական ղեկավարության շարունակվող անգործությունը։
Անվտանգային և ռազմամարզական ոլորտի ներկայացուցիչների միավորում
