«Մանթաշով» գործարարների միության նախագահ Վահրամ Միրաքյանի ֆեյսբուքյան գրառումը
Վահան Քերոբյանն Էկոնոմիկայի նախարարի համար շատ բարձր պլանկա դրեց:
Առաջին անգամ էկոնոմիկայի նախարարությունն իրական գործոն ու հակակշիռ դարձավ Ֆիննախին ու ՊԵԿ-ին:
Առաջին անգամ էկոնոմիկայի նախարարությունը տեղ դարձավ, որտեղ բիզնեսների համար հասանելի էր հարցեր բարձրացնելն ու լուծումներ ստանալը:
Կարդացեք նաև
Առաջին անգամ էկոնոմիկայի նախարարն էդքան հասանելի էր գործարարների համար, բյուրոկրատացված չէր, հանդիպումների, խնդիրներ բարձրացնելու ու լուծումներ գտնելու տեսանկյունից:
Առաջին անգամ էկոնոմիկայի նախարարությունը բիզնեսի աջակցության էսքան բազմազան ու մեծ ծրագրեր սկսեց իրականացնել:
Վահանն եկավ նախարարություն, երբ այն գործադիրի ամենափոքր ու թույլ օղակներից մեկն էր, իսկ հիմա էկոնոմիկայի նախարարությունն ամենաակտիվ օրենսդրական առաջարկներով հանդես եկող, ամենամեծ ծրագրեր իրականացնող նախարարություններից է, որն ամենաակտիվ կապի մեջ է իր թիրախային լսարանի հետ:
Ցուցակը կարող եմ շարունակել, շատ բան առաջին անգամ եղավ, տնտեսության հետ կապ ունեցող մարդիկ հասկանում են, թե ինչի մասին եմ խոսում:
Էս շաբաթ օրն էլ գալու էր Գյումրիի ու Վանաձորի մանթաշյանականների հետ հանդիպման: Երեկ խոսեցի, ասում էր վերջին 3 տարիների ընթացքում առաջին անգամ շաբաթ օրը չեմ աշխատելու:
Պլատոնն էր կարծեմ ասել, որ լավագույն պաշտոնյան նա է, ով չի ուզում լինել պաշտոնին: Վահանի համար նախարարի պաշտոնը սոցիալական լիֆտ չէր (շատերի նման) առանց էդ էլ ինքը սոցիալական բարձր ստատուս ուներ, նյութական առումով էլ՝ առանց նախարարի պաշտոնի հաստատ իրեն ավելի լավ էր զգում:
Վահանին նախարարի պաշտոնը միայն պետք էր ծառայելու համար ու ինքը մաքսիմում ծառայեց իր հաստիքում:
Հ.Գ. Քանի որ մենք ապրում ենք ծուռ հայելիների աշխարհում, պարտավորված զգացի արտահայտել իմ տպավորություններն ու կարծիքը:
