Անվտանգության ապահովման տեսանկյունից Հայաստանում ՀԱՊԿ մեխանիզմն այլընտրանք չունի. «Իզվեստիա»-ին տված հարցազրույցում նշել է ՌԴ փոխարտգործնախարար Միխայիլ Գալուզինը:
«Հարավային Կովկասի ապագան պետք է որոշեն այն երկրները, որոնց համար այս տարածաշրջանն ընդհանուր տուն է։ Դրանց թվում չեն ո՛չ ԱՄՆ-ը, ո՛չ Ֆրանսիան, ո՛չ էլ ԵՄ երկրները։ Ուստի մենք անարդյունավետ ենք համարում ոչ տարածաշրջանային ուժերին՝ «արևմտամետներին» տարածաշրջան ներքաշելը, ինչին վերջին շրջանում հակված է պաշտոնական Երևանը»,- նշել է նա։
Ըստ Գալուզինի՝ Արևմուտքի շահերն Անդրկովկասում կապված չեն Հայաստանի և Ադրբեջանի հարաբերությունները կարգավորելու և կայուն խաղաղության ապահովելու հետ, այլ կապված են Ռուսաստանին այս գործընթացից դուրս մղելու և այնտեղ լարվածության ևս մեկ աղբյուր ստեղծելու հետ։
