Սպորտային մարմնամարզության Հայաստանի ազգային հավաքականի տղաները այս օրերին նախապատրաստվում են փետրվարի 15-ից 18-ը Կահիրեում կայանալիք Աշխարհի գավաթի խաղարկության առաջին փուլին, որը նաեւ Փարիզի օլիմպիական խաղերի վարկանիշային մրցաշարի կարգավիճակ ունի:
Մեր երկիրը Եգիպտոսում ներկայացնելու են Արթուր Դավթյանը, Հարություն Մերդինյանը, Վահագն Դավթյանը,Արթուր Ավետիսյանը եւ Գագիկ Խաչատրյանը:
Կահիրեում հանես են գալու աշխարհի 71 երկրների ուժեղագույն մարմնամարզիկները:
Մեր մարմնամարզիկներից առայժմ օլիմպիական վարկանիշ ունի միայն Արթուր Դավթյանը: Մյուս տղաները դեռ պետք է միավորների համապատասխան պաշար հավաքեն վարկանիշային չորս մրցաշարերում: Կահիրեից հետո հաջորդ փուլը նշանակված է փետրվարի 22-25-ին՝ Կոտբուսում, մարտի 7-10-ին՝ Բաքվում եւ ապրիլի 17-20-ին՝ Քաթարում:
Կարդացեք նաև
Աշոտ ՀԱԿՈԲՅԱՆ
