«ՌԴ ԱԳՆ-ն լրջորեն անհանգստացած է հայ-ադրբեջանական սահմանին սրացումներով և կոչ է անում Երևանին և Բաքվին զսպվածություն ցուցաբերել»,- ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:
Նա նշել է, որ պետք է քայլեր ձեռնարկել դեէսկալացիայի ուղղությամբ և խուսափել ցանկացած գործողությունից, որը հղի է իրավիճակի հետընթացով:
«Բոլոր հարցերը պետք է լուծել բացառապես խաղաղ, քաղաքական-դիվանագիտական ճանապարհով: Տեղի ունեցածը ևս մեկ անգամ հաստատում է բարձր մակարդակով եռակողմ պայմանավորվածությունների համալիրի իրագործմանը շուտափույթ վերադառնալու անհրաժեշտությունը»,- ասել է Զախարովան։
Կարդացեք նաև
«Ղարաբաղում ՌԴ խաղաղապահների գործունեության հետ կապված ռուս-ադրբեջանական շփումների նախապատրաստումը շարունակվում է:
Մեր երկխոսությունն այս փուլում կանոնավոր է և կառուցողական։ Քննարկված հարցերի թվում են հայ բնակչության՝ Ղարաբաղ վերադառնալու հեռանկարները՝ նրանց իրավունքների և անվտանգության պատշաճ ապահովմամբ, համատեղ պարեկությունների կազմակերպումը և մշակութային, պատմական և կրոնական ժառանգության հուշարձանների պահպանությունը»,- նշել է ՌԴ ԱԳՆ պաշտոնական ներկայացուցիչը։
