Համացանցում տարածվող նշված փաստաթուղթը կեղծ է:
Ցավում ենք, որ Հայաստանի Հանրապետության առջեւ ծառացած այս լարված օրերին ստիպված ենք հանդես գալ ապատեղեկատվության նման դրսեւորմանն ի պատասխան, սակայն, հաշվի առնելով հանրային մեծ արձագանքն ու հարցի հնչեղությունը՝ ստիպված ենք:
Վաղարշապատի համայնքապետարանի պաշտոնական գրությունները չեն կազմվում նման ձեւաթղթով: Արսեն Պետրոսյանը հանդիսանում է համայնքի ղեկավարի առաջին տեղակալը եւ համայնքի ղեկավարի ժամանակավոր փոխարինողը: Վերջինիս որոշումները մակագրվում են ոչ որպես համայնքի ղեկավար. Վաղարշապատ համայնքի ղեկավարը Դիանա Գասպարյանն է:
Նշված փաստաթուղթն անստորագիր է, եւ, հետեւապես, չի կարող որեւէ իրավական ուժ ունենալ:
Կարդացեք նաև
Դեռեւս 08.02.2024 թ. թիվ 132ա որոշմամբ անվավեր է ճանաչվել 06.02.2024թ. «Իրազեկումն ի գիտություն ընդունելու մասին» թիվ 124Ա որոշումը:
Համայնքապետարանի անունից կեղծ փաստաթուղթ տարածելու հիմքով Վաղարշապատի համայնքապետարանը պատրաստվում է դիմել ոստիկանանություն՝ աղբյուրը պարզելու նպատակով:
Թե ի՞նչ նպատակ է հետապնդում հրապարակել նման ստահոդ փաստաթուղթ, խմորել ներհամայնքային լարվածություն, թե ի՞նչ շահերի է սպասարկում նման վարքագիծը, դժվար է միանշանակ պատասխանել:
Սակայն, ակնկալելով մեր քաղաքացիների ողջախոհությունը՝ եւս մեկ անգամ հարկ ենք համարում վերահաստատել, որ կեղծ տեղեկատվությունը, ապատեղեկատվությունն ու դրանց շահարկումը, ինչ բնույթի էլ լինեն, վտանգ են ներկայացնում ներհամայնքային եւ ներպետական կյանքի համար:
Վաղարշապատի համայնքապետարան
