«Որոշ պետություններ օգտագործում են հայ-ադրբեջանական սահմանին առկա բախումների բարձր ներուժը՝ Կասպից ծովի ռեսուրսներ և դեպի Կենտրոնական Ասիա մուտք ձեռք բերելու համար»,- ճեպազրույցի ընթացքում հայտարարել է ՀԱՊԿ միացյալ շտաբի պետ, գեներալ-գնդապետ Անդրեյ Սերդյուկովը:
«Արևմուտքը ձգտում է ազդել Բաքվի և Երևանի հետհակամարտային կարգավորման վրա՝ չնայած Հայաստանի անդամակցությանը ՀԱՊԿ-ին»,- ասել է նա:
Ըստ Սերդյուկովի՝ ԱՄՆ-ի ապակառուցողական գործունեությունը ՀԱՊԿ-ի համար անվտանգության սպառնալիքների հիմնական աղբյուրն է։
Գեներալ-գնդապետը նշել է՝ ՀԱՊԿ-ի սահմաններում ստեղծված իրավիճակը պահանջում է կազմակերպության ներուժի ավելացում։
