Երեւանի ավագանու այսօրվա նիստում «Մայր Հայաստան» խմբակցությունից Մանուկ Սուքիասյանը մի տեսաձայնագրություն միացրեց, որտեղ ՔՊ-ական Ալեն Սիմոնյանը տարիներ առաջ կարծիք էր հայտնում տրանսպորտի թանկացման մասին։
«Հացի խնդիր ունեցող երկիր ենք ու դնել մարդուն ասել, որ դու այսուհետ քո հացի կեսը տաս պետությանը, որ որոշ մարդիկ գերշահույթներ ունենան, ու բազմաթիվ մեքենաներով, իրենց հետեւից թիկնապահներով, ծանր շարժիչներով մեքենաներով շրջեն, անարդար է»,-այդ հարցազրույցում ասում է Ալեն Սիմոնյանը։
Մանուկ Սուքիասյանն ասաց՝ Ալեն Սիմոնյանի հայտարարությունն է, որով ենթադրվում է, որ 150 դրամը գերշահույթ է, այսինքն՝ 100 շահույթ է, 50-ը՝ գերշահույթ, հակասություն կա։
«Հինգ ամիս առաջ կայացած ընտրությունների ժամանակ քաղաքային իշխանությունները բառ չեն ասել կարմիր գծերի մասին, տրանսպորտի թանկացման մասին, ասել են՝ ասեք, կանենք։ Ոչ մեկը չի ասել թանկացումներ արեք, բայց ինչ ձեւավորվել է այս իշխանությունը, քաղաքացու սոցիալական բեռի ավելացում է տեղի ունենում, խոշոր շինարարների շահերի սպասարկում է տեղի ունենում։ Այս ամենը պետք է արձանագրվի»,-ասաց Սուքիասյանը։
Կարդացեք նաև
Նա հիշեցրեց, infocom-ի բացահայտումը, երբ մարդիկ տեղյակ չեն եղել, որ իրենց անունից մուտք է կատարվել ՔՊ-ի բյուջե․ «Սա ՔՊ-ի լեգիտիմությունը կասկածի տակ դնող հանգամանք է»։
Մանրամասն՝ տեսանյութում
Նելլի ԲԱԲԱՅԱՆ
