Երեւանի փոխքաղաքապետ Սուրեն Գրիգորյանը լրագրողների հետ ճեպազրույցում պատասխանելով հարցին, թե արդյո՞ք քաղաքացիների դժգոհության ճնշման ներքո են ԱԺ-ում ՔՊ խմբակցության հետ փակ քննարկում ունեցել, որի ժամանակ քպական պատգամավորների մեջ նույնպես առաջարկվող փաթեթներից դժգոհողներ են եղել, եւ ի՞նչ կետեր են վերանայվել, վերանայվելու կամ փոխվելու, պատասխանեց, որ այո, քննարկում եղել է եւ հարցը հիմնականում վերաբերել է սահմանափակումների վերացմանը:
Նրա մեկնաբանությամբ, նախագծի քննարկման համար լրացուցիչ ժամանակ ունենալու հարցով ինքն է դիմել քաղաքապետին: Եվ ոչ թե հանրության դժգոհության կամ ընդդիմադիր ավագանիների ճնշման ներքո, այլ այս ընթացքում, իր խոսքերով, գների հետ կապվող մանիպուլյացիաներն ու սուտը չեզոքացնելու համար:
«Սահմանափակումները մշակելիս մենք տարբեր քննարկումներ ենք ունեցել եւ կիրառել ենք տարբեր երկրների փորձը:
Ըստ Գրիգորյանի, շաբաթական մեկ անգամ տրանսպորտից օգտվող մարդու համար տոմսային փաթեթներից ամենաշատը 70 րոպեանոց տոմսն է կիրառելի լինելու, որն արժե 300 դրամ: Փոխքաղաքապետը ներկայացրեց տոմսերի գնագոյացման հաշվարկները, որոնք սովորական քաղաքացու համար այնքան էլ հասկանալի չեն կարող լինել, համենայն դեպս, հիմա:
Կարդացեք նաև
Անդրադառնալով նաեւ սոցիալական խմբերին տրվելիք արտոնությունների մասին հարցին, նա պատասխանեց, որ այդ ամենը կախված է լինելու, թե ինչ տեսքով կընդունվի նախագիծը եւ ավելի պարզ կդառնա, թե շատ մոտավոր ինչ հավաքագրում կլինի ուղեւորափոխադրումներից, որպեսզի հասկանան, թե ինչքան հնարավորություն կունենան:
Աշոտ ՀԱԿՈԲՅԱՆ
