Մարդկային զարգացման միջազգային կենտրոնի ղեկավար Թևան Պողոսյանի ֆեյսբուքյան գրառումը
1988 թվականի փետրվարի 13-ին այս հրապարակում սկիզբ առավ մեր ազգային-ազատագրական պայքարը։ Ուղիղ 36 տարի առաջ հենց այստեղ է տեղի ունեցել առաջին ցույցը, երբ արցախցին արթնացրեց մեր ողջ ժողովրդին, ներկայացրեց ազգային երազանք, որ կարճ հնչում էր՝ ՄԻԱՑՈՒՄ։ Մեկ բառի մեջ պարփակված էր ազգային ողջ ուժը, փրկությունը և Հայրենիքի անվտանգության գրավականը՝ ՄԻԱՍՆԱԿԱՆՈՒԹՅՈՒՆԸ։
Երեք տարի առաջ, Քրիստոսի խաչման տարիքին` մեր ազգային շարժումը ստացավ մեծ հարված, բայց հուսամ, որ այն քրիստոնեության պես կլինի հարատև և ի վերջո կհասնի հաղթանակի:
Հայ ազգ, համայն հայություն, արթնացի՛ր, մեր ազգային երազանքին՝ ՄԻԱՑՄԱՆԸ դեռ պիտի հասնենք։
Կարդացեք նաև
36 տարի առաջ մեկ շաբաթվա պահանջատիրությունը՝ Ստեփանակերտի Վերածննդի հրապարակի ցույցերի արդյունքում (13.02.1988 – 20.02.1988) փետրվարի 20-ին ԼՂԻՄ Ժողովրդական պատգամավորների խորհրդի արտահերթ նիստում որոշում ընդունվեց՝ Արցախը պետք է միավորվի մայր Հայաստանին: Դեռ այդ երազանքի ճանապարհին ենք, դժվարին, քարքրոտ, արյունոտ, բայց պարտավոր ենք Միասնականության կրակը վառ պահել:
Հ.Գ. Թե ինչու չկարողացանք պահպանել մեր այդ՝ Աստծու կողմից օրհնված հաղթանակը, դեռ շատ կգրվի, կխոսվի, հետազոտվի, հուսամ դասեր քաղվի … բայց վայ մեզ, եթե այսօրվա պառակտիչ քաղաքականությունը արդյունքում հաղթի։
