Փետրվարի 5-ին դեսպանությունում կայացել է ընդունելություն՝ նվիրված ՀՀ Զինված ուժերի կազմավորման 32-րդ տարեդարձին։
Ընդունելությանը ներկա են գտնվել Ռուսաստանի Դաշնության արտաքին գործերի նախարարության և պաշտպանության նախարարության ներկայացուցիչներ, ՌԴ-ում հավատարմագրված օտարերկրյա պետությունների դեսպաններ, ռազմական կցորդներ, Հայ առաքելական եկեղեցու և համայնքի ներկայացուցիչներ։
Ելույթ ունենալով միջոցառմանը՝ ՌԴ-ում ՀՀ դեսպան Վաղարշակ Հարությունյանը նշել է, որ ուժեղ և մարտունակ բանակը Հայաստանի ինքնիշխանության, տարածքային ամբողջականության և անկախության ապահովման կարևորագույն գործոններից է: Նա կարևորել է Զինված ուժերում իրականացվող շարունակական բարեփոխումները՝ հաշվի առնելով տարածաշրջանում ստեղծված իրավիճակը: Դեսպանն իր խոսքում նշել է նաև Ռուսաստանի դերը ՀՀ ԶՈւ կազմավորման գործում, ինչպես նաև անդրադարձել պաշտպանական ոլորտում հայ-ռուսական փոխգործակցությանը:
Միջոցառմանը ելույթ է ունեցել նաև Դեսպանությանը կից ռազմական կցորդ, գնդապետ Գարեգին Մելիքսեթյանը, ով ներկայացրել է Հայաստանի ԶՈւ անցած ուղին, անդրադարձել ներկայիս ռազմատեխնիկական համագործակցության որոշ ոլորտներին, ինչպես նաև շնորհակալություն հայտնել իր գործընկերներին՝ հետևողական համագործակցության համար։
Կարդացեք նաև
Ռուսաստանի Դաշնությունում Հայաստանի դեսպանություն
