Այսօր Երեւանի առաջին ատյանի ընդհանուր իրավասության դատարանում տեղի ունեցավ «NewDay.am» կայքի խմբագիր Անի Գեւորգյանն ընդդեմ Լարա Բերնեցյանի գործով դատական նիստը:
Հիշեցնենք, որ 2023-ի հուլիսի 25-ին վարչապետ Նիկոլ Փաշինյանի ասուլիսից հետո լրագրողը թիրախավորվել էր սոցցանցերում, վիրավորանքների և ոտնձգությունների արշավ էր սկսել նրա եւ վարչապետին քննադատած լրագրողների դեմ:
Կարդացեք նաև
Անի Գեւորգյանի հասցեին համացանցում եւ էլեկտրոնային նամակներում տարածել են սպառնալիքներ, ծանր վիրավորանքներ եւ ֆիզիկական հաշվեհարդարի կոչեր:
Օգտատերերից մեկը ֆեյսբուքյան էջում գրել էր՝ «Ու ես անառակի ամուսինը ոստիկան է, չի ասում հանուն երկու կոպեկի ո՞ւր ես քֆուրների տեղատարափ թափում գլխիդ, այ լրբի ծնունդ»:
Այս վիրավորանքներից պատիվն ու արժանապատվությունը պաշտպանելու համար Անի Գեւորգյանը դիմել է դատարան:
Այսօր դատական նիստին Լալա Բերնեցյանը, նրա ներկայացուցիչը չէին եկել, չնայած պատշաճ ծանուցված են եղել:
Լրագրողի ներկայացուցիչ Ռազմիկ Բաղդասարյանը ներկայացրեց հայցադիմումի պահանջը: Քանի որ դատարան ուղարկված հայցի մեջ տեխնիկական սխալ է եղել, վարչապետի հայտնի ասուլիսի ամսաթիվը հուլիսի փոխարեն հունիս է նշված եղել, դատական նիստը հետաձգվեց, որպեսզի ուղղում մտցվի եւ այդ մասին տեղեկացվի նաեւ պատասխանողը:
Հռիփսիմե ՋԵԲԵՋՅԱՆ
