Հայաստանի հանրային ռադիոյի գործադիր տնօրեն Գարեգին Խումարյանի հոդվածին ի պատասխան Հանրային հեռարձակողի խորհուրդը տարածել է հայտարարություն, որում, մասնավորապես, ասվում է. «…Խորհուրդն առաջիկայում քննության կառնի Հանրային ռադիոընկերության տնօրեն Գարեգին Խումարյանի գործողությունների համապատասխանելիությունը էթիկական և իրավական նորմերին»։
«Առավոտը» դիմեց լրատվամիջոցների էթիկայի հարցերով փորձագետ Մեսրոպ Հարությունյանին՝ «կա՞ արդյոք այդ գործողություններում էթիկայի խախտում» հարցով։
Փորձագետը պատասխանեց.
– ՀՀԽ-ին իմ խորհուրդն է՝ էթիկական խախտման մասին որոշում կայացնելուց առաջ դիմել Հայաստանի ԶԼՄ-ների էթիկայի Դիտորդ մարմնին՝ վերջինիս փորձագիտական կարծիքը ստանալու համար։ Ինքս համոզված եմ, որ էթիկական խախտում չկա եւ այդ համոզմունքը օդից չեմ վերցրել, այն բխում է «Հայաստանի լրատվամիջոցների եւ լրագրողների էթիկական սկզբունքների կանոնագրի» կարգավորումներից։
Կարդացեք նաև
Ի դեպ, ինքս համոզված եմ նաեւ, որ այդտեղ իրավական նորմերի խախտում չկա։
Առայժմ չեմ բացի խաղաքարտերս եւ երկու խնդրի վերաբերյալ էլ իմ հիմնավորումները կներկայացնեմ անհրաժեշտ պահին։
Լուսանկարը՝ Անի ՀԱԿՈԲՅԱՆԻ
