Հունվարի 19-ին Նիկոլ Փաշինյանը հայտարարեց, որ Հայաստանը կարիք ունի նոր Սահմանադրության: Ըստ Ձեզ՝ արդյոք անհրաժե՞շտ է փոփոխություններ կատարել կամ լիովին նոր Սահմանադրություն ընդունել. այս հարցի պատասխանն է փորձել պարզել «GALLUP International Association»-ի Հայաստանում լիիրավ անդամ Էմ Փի ՋԻ ՍՊԸ-ին՝ իրականացրած հարցումներով։
Հետազոտության մասնակիցների 38,1 %-ի կարծիքով՝ ՀՀ Սահմանադրությունը պետք է մնա անփոփոխ։ 34,2 %-ը կարծիք է հայտնել, որ որոշ դրույթներ պետք է փոխվեն:
Հարցման մասնակիցների ընդամենը 13,4%-ն է կարծում, որ Հայաստանի Հանրապետությանը անհրաժեշտ է նոր Սահմանադրություն:
Հարցին՝ ներքաղաքական իրավիճակի լուծման համար արդյոք անհրաժե՞շտ են արտահերթ խորհրդարանական ընտրություններ, 2023թ նոյեմբերին 33,7%-ը պատասխանել էր՝ ընդհանրապես անհրաժեշտ չեն, 2024-ի հունվարին նույն պատասխանն է տվել հարցվածների 29,9%-ը:
Կարդացեք նաև
Ի դեպ, եթե անցյալ տարվա նոյեմբերին 23,3 %-ը պատասխանել էր, որ միանշանակ անհրաժեշտ է՝ այս տարվա հունվարին նման պատասխան է տվել 29,3%-ը:
Գոհար ՀԱԿՈԲՅԱՆ
