Մարդու իրավունքների պաշտպանին հասցեագրված բողոքների և ահազանգերի հիման վրա Պաշտպանի ներկայացուցիչները փետրվարի 1-ին այց են իրականացրել «Արմավիր» քրեակատարողական հիմնարկ, առանձնազրույցներ են տեղի ունեցել ազատությունից զրկված անձանց հետ։
Առանձնազրույցների ընթացքում ներկայացվել են քրեական վարույթների քննությանը, պատժից պայմանական վաղաժամկետ ազատմանն ու հիմնարկում անվտանգային գոտու տեսակի փոփոխությանն առնչվող մի շարք հարցեր:
Ուսումնասիրվել են նաև ազատությունից զրկված անձանց պահման պայմաններն ու իրավունքների ապահովման վիճակը:
Բարձրացված հարցերի մի մասը տեղում քննարկվել է քրեակատարողական հիմնարկի իրավասու ներկայացուցիչների հետ:
Կարդացեք նաև
Այցի արդյունքները կամփոփվեն և ազատությունից զրկված անձանց կողմից բարձրացված խնդիրների կապակցությամբ համապատասխան գրություններ կհասցեագրվեն իրավասու մարմիններին։
ՀՀ Մարդու իրավունքների պաշտպանի գրասենյակ
