«Լուսավոր Հայաստան» կուսակցության կառավարման խորհրդի անդամ Դավիթ Խաժակյանի ֆեյսբուքյան գրառումը
Հետևեցի Երևանի քաղաքապետարանում Մարությանի կողմից հրավիրած հանրային քննարկմանը, որտեղ խոսվում էր օղակաձև զբոսայգու ձևախեղման անթույլատրելիության մասին։
Օղակաձև զբոսայգու 4-րդ հատվածում գտնվող թենիսի կորտերի և հարակից տարածքի նորովի կառուցապատման նախագծի մասին արդեն իսկ տեսակետ հայտնել եմ, ասելով, որ հրապարակված նախագիծը ոչ միայն ձևախեղում է զբոսայգին, այլև կոռուպցիոն բնույթի հարցադրումներ է առաջացնում՝ կոնկրետ կազմակերպությանը արտոնյալ պայմաններով այդ տարածքը տրամադրելու վերաբերյալ։
Մարությանը օղակաձև զբոսայգին ապականել է նույն կերպ, ինչպես հիմա մտադրված է անել Ավինյանը։
Կարդացեք նաև
Հեղափոխությունից հետո Մարությանը եղել է այն քաղաքապետը, որը Օղակաձև զբոսայգու 6-րդ հատվածում տվել է երկհարկանի, բետոնե հիմքով սրճարանի կառուցապատման թույլտվություն և այսօր էլ պատմում է, թե որքան բարեհաջող է ինքը բարեկարգել այդ հատվածը։
Ինչպես կասեր դասականը` «Արա, ոնց եմ ես ձեզանից զզվում» 🙂
