ԲԴԽ նախագահ Կարեն Անդրեասյանի ֆեյսբուքյան գրառումը
Մի լավ բան N 8. Հայաստանում հայհոյանքով ազդեցիկ դառնալու մոլուցքը սկսում է մարել: Հանրային բանավեճում աստիճանաբար հաղթում է կիրթ ու փաստարկված խոսքը: Վերացման եզրին է նաև դեղին մամուլը:
Հայաստանում կա խոսքի լիարժեք ազատություն, միևնույն ժամանակ ունենք զրպարտությունից ու վիրավորանքից պաշտպանող օրենսդրություն: (2011-ին մամուլը ինձ հիշատակելիս վերջում պարտադիր գրում էր, որ ես եմ այդ դիվային օրենքի հեղինակը): Գարնանը դատարանները կբեռնաթափվեն, և հայհոյողների պատիժն ավելի արագ տեղ կհասնի:
Բռնության կոչերը ևս մեծամասամբ ստանում են պատշաճ քրեաիրավական ընթացք: Մնում է փակել օտարերկրյա թիկունքից վայրահաչողների բերանը, ովքեր հայհոյում են հայրենիքում` Հայաստանում ապրողներին: Դեռ կգտնենք նաև այս հարցի լուծման իրավական ճանապարհը:
