Ermenihaber.am. Ռուսաստանի արտգործնախարար Սերգեյ Լավրովը տեղեկացրել է, որ ԱՄՆ-ին չի հաջողվի համոզել Անկարային փոխել նավարկության կանոնները սևծովյան նեղուցներով։
«Չեմ կարծում, որ նրանց հաջողվի: Մեր թուրք գործընկերները մեզ բազմիցս ասել են, որ որպես Մոնտրոյի կոնվենցիայի ժառանգության պահապաններ, խստորեն առաջնորդվելու են դրա դրույթներով»,- նշել է նա է մեկնաբանելով Պենտագոնի ղեկավարի միջազգային անվտանգության հարցերով օգնական Սելեստ Վոլանդերի հայտարարությունը։
Վաշինգտոնը ցանկանում է Թուրքիային կոչ անել և համոզել թուլացնել Սև ծովում նավագնացության կանոնները, որը սահմանվում է 1936-ին ընդունված Մոնտրոյի կոնվենցիայում։
Մոնտրոյի կոնվենցիան սահմանում է Թուրքիայի լիակատար ինքնիշխանությունն այս նեղուցների նկատմամբ։ 2022 թվականի մարտին Թուրքիան Ռուսաստանի և Ուկրաինայի իշխանություններին տեղեկացրել է Կոնվենցիայի 19-րդ կետի կիրառման մասին։ Կոնվենցիայի 19-րդ կետն արգելում է ռազմանավերի անցումն այդ նեղուցներով:
Կարդացեք նաև
Աղբյուր` Hurriyet.com.tr
