Հայաստանի Հանրապետության Անվտանգության խորհուրդը, որ զգալի պատասխանատվություն է կրում հայ ռազմագերիներին հայրենիք վերադարձնելու գործընթացների համար, որևէ հստակ քայլեր չի ձեռնարկում այդ հարցում: ArmLur.am-ն ԱԽ գրասենյակից հետաքրքվել էր, թե հայ ռազմագերիների և Արցախից գերեվարված ռազմաքաղաքական ղեկավարության վերադարձի պահանջի հարցով ի՞նչ հստակ աշխատանքներ են կատարվում։ Ի պատասխան մեր հարցադրման՝ գրասենյակից նշել էին, որ Հայաստանի Հանրապետության կառավարությունն այսօր ևս շարունակում է աշխատել, որպեսզի բոլոր գերիները վերադառնան ՀՀ։
Պատերազմից անցել է ավելի քան 3 տարի, իսկ Արցախի ռազմաքաղաքական ղեկավարության առևանգումից՝ գրեթե 4 ամիս, սակայն «սայլը տեղից չի շարժվում»: Ստացվում է, որ փաստացի Անվտանգության խորհրդից պատասխան չունեն, թե ինչ աշխատանքներ են կատարում Արցախի նախկին նախագահներին և պաշտոնյաներին Հայաստան վերադարձնելու հետ կապված։
Հոդվածն ամբողջությամբ՝ «Ժողովուրդ» օրաթերթի այսօրվա համարում։
