«Նիկոլ Փաշինյանը փորձում է փոխել ոչ միայն Սահմանադրությունը, այլ հայ ժողովրդի անցյալը, ներկան, որպեսզի շարունակի իշխել ապագայում: Պետք է կանխել այդ բոլոր փորձերը, նա չպիտի կարողանա փոխել մեր անցյալը, մեր բարոյականությունը, արժեքները, մշակույթը, պատմությունը: Նա դա անում է, որպեսզի երկարաձգի սեփական իշխանությունը»,- այսօր դատարանի դահլիճում՝ իր գործով նիստի ավարտից հետո լրագրողների հարցերին այսպես պատասխանեց ՀՀԿ փոխնախագահ Արմեն Աշոտյանը: Հարցերը վերաբերվում էին Սահմանադրությունը փոխելու Նիկոլ Փաշինյանի հայտարարությանը եւ «Հայ ժողովրդի պատմություն» առարկան «Հայաստանի պատմություն» առարկայով փոխարինելու իշխանական նախաձեռնությանը:
«Սա հայ ժողովրդի իրական թասիբի խնդիրն է, որովհետեւ փոխում են ոչ միայն ղարաբաղցիների պատմությունը, մշեցիների, սասունցիների, փոխում են ամբողջ հայ ժողովրդի պատմությունը: Հայ ժողովրդի պատմությունը սարքում են տարածքի պատմություն: Լավ է չեն ասում՝ դելիմիտացիա անենք, տեսնեք ինչքա՞ն տարածք է մնում՝ դրա պատմությունը գրենք»,- ասաց Արմեն Աշոտյանը:
Այլ մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
