«ՏՈՍՊԱ» ռադիոընկերության խմբագրություն» ՓԲ ընկերության ներկայացուցիչ Սիմոն Ֆարմանյանը 15.01.2024թ. հայցադիմում է ներկայացրել Հայաստանի Հանրապետության վարչական դատարան՝ ընդդեմ Հեռուստատեսության և ռադիոյի հանձնաժողովի` 20.12.2023 թվականի թիվ 111-Ա որոշումն անվավեր ճանաչելու պահանջով:
Հիշեցնենք, որ այդ որոշմամբ ՀՌՀ–ն «ՍՊՈՒՏՆԻԿ ԱՐՄԵՆԻԱ» լսողական ծրագրի վերահեռարձակող «Տոսպա» ընկերության գործունեությունը կասեցրել էր 30 օրով։
Վարչական դատարանն այս գործով դատաքննություն է նշանակել 2024 թվականի փետրվարի 16-ին։
