ՀՀ ֆինանսների նախարարությունը լայնածավալ փոփոխությունների «Հայաստանի Հանրապետության հարկային օրենսգրքում փոփոխություններ և լրացումներ կատարելու մասին» ՀՀ օրենքի նախագիծ է տեղադրել e-draft հարթակում։
Հերթական անգամ ներկայացված է ՓՄՁ-ների համար վատթարացնող նորմեր պարունակող նախագիծ, որի հիմնավորման մասում ներկայացված է միայն միակողմանի վերլուծություն։ Ընդ որում ներկայացված այն հիմնավորումները որտեղ նշված են անգամներով ցածր հարկային բեռ, առնվազն կասկած է առաջացնում դրանց համադրելիության մասով։
Անհասկանալի են նաև ներկայացված նպատակները և դրանց հասնելու այս տեսակ ճանապարհները։
Հաշվի առնելով, որ այս տեսակ լայնածավալ փոփոխությունները (որոնց մի մասն էլ նախատեսվում է ուժի մեջ մտնել ընթացիկ տարվա ընթացքում) վերաբերելու են հիմնականում ՓՄՁ-ներին` առնվազն մի քանի տասնյակ հազար տնտեսավարողների, կոչ ենք անում նախագծի հեղինակ ֆինանսների նախարարությանը ձեռնպահ մնալ նման շտապողականությունից։
Կարդացեք նաև
Բացի ձեռքի տակ եղած պաշտոնական թվերից, կազմակերպել ֆոկուս խմբային հանդիպումներ, վերլուծություններ մարզերում և մայրաքաղաքում, մասնագիտական անկողմնակալ խմբերի հետ աշխատանքային քննարկումներ։
Դրանց արդյունքում միայն պարզ կդառնա նշված նպատակների արդիականությունը, նման լայնածավալ փոփոխությունների անելու անհրաժեշտությունը։
Ստորև նախագիծը` այս պահին 98 տոկոս դեմ քվեարկության արդյունքներով։
ՓՄՁՀԱ
