Ռուբեն Գրիգորյանի եւ Գոհար Գալստյանի դիմումը Սահմանադրական դատարանում էր 2023 թվականի օգոստոսի 14-ից: Սահմանադրական դատարանի 2023 թվականի սեպտեմբերի 29-ի ՍԴԱՈ-110 աշխատակարգային որոշմամբ գործն ընդունվել էր քննության, գործով զեկուցող էր նշանակվել Սահմանադրական դատարանի դատավոր Ա. Վաղարշյանը, եւ գործի դատաքննությունը նշանակվել էր 2023 թվականի նոյեմբերի 14-ին: Սահմանադրական դատարանի 2023 թվականի նոյեմբերի 14-ի ՍԴԱՈ-136 աշխատակարգային որոշմամբ նշված գործի քննության ժամկետը երկարաձգվել, հետաձգվել էր եւ գործի դատաքննությունը նշանակվել է 2024 թվականի հունվարի 16-ին:
«Ռուբեն Գրիգորյանի եւ Գոհար Գալստյանի դիմումի հիման վրա՝ «Պետական տուրքի մասին» ՀՀ օրենքի 22-րդ հոդվածի՝ Սահմանադրությանը համապատասխանության հարցը որոշելու վերաբերյալ» գործի վարույթը դատարանը կասեցնելու որոշում կայացրեց` մինչեւ կասեցման հիմքերը վերանալը:
Հերթական անգամ նույն պատճառաբանությամբ, նույն օրը՝ «Ելնելով լրացուցիչ ուսումնասիրություններ կատարելու անհրաժեշտությունից»՝ հետաձգվեց մեկ այլ գործ` Դավիթ Փոլադյանի դիմումի քննությունը:
Նա դիմել էր 1998 թվականի հուլիսի 1-ին ընդունված՝ Հայաստանի Հանրապետության քրեական դատավարության օրենսգրքի 35-րդ հոդվածի 1-ին մասի 10-րդ կետի՝ Սահմանադրությանը համապատասխանության հարցը որոշելու վերաբերյալ հարցով: Դատաքննությունը նշանակվեց 2024 թվականի հունվարի 23-ին:
Կարդացեք նաև
Ռուզան ՄԻՆԱՍՅԱՆ
«Առավոտ» օրաթերթ
18.01.2024
