Հայաստան-Ավստրիա բարեկամական խմբի կազմով Ազգային ժողովում հյուրընկալեցինք Ավստրիայի խորհրդարանի պատգամավորներ Էվա Էռնստ Ձիձիչին, Սիբիլ Համանին, Յոհաննես Մարգրայթերին, Քրիստիան Օքսոնիչին, Ավստրիայի հայ համայնքի ներկայացուցիչներ Նիկոլ Խաչատուրովային և Հերբերտ Լանգսներին։
Էվա Էռնստ Ձիձիչ
🔹 Խոսելով Արցախի Հանրապետության դեմ Ադրբեջանի զինված ագրեսիաների, էթնիկ զտումների և ցեղասպանության քաղաքականության մասին, ինչի հետևանքով 120000 արցախահայությունը զրկվեց իր պատմական հայրենիքից՝ բռնի տեղահանմամբ՝ արձանագրեցի, որ միջազգային որևէ իրավական նորմ մեր տարածաշրջանում չի գործում։
Սիբիլ Համան
🖇️Տեղահանման օրերին Արցախում սպանվում էին կանայք, երեխաներ, քաղաքացիական այլ անձինք, սակայն միջազգային հանրության կողմից որևէ արձագանք չեղավ։
🔹Գործընկերներիս ուշադրությունը հրավիրեցի Արցախում մարդկանց սեփականության իրավունքի վերականգնման, հոգևոր-մշակութային ժառանգության պահպանման անհրաժեշտությանը։ Ներկայացրի, թե ինչպես են Ադրբեջանի ձեռքով Արցախի հայկական եկեղեցիները վերածվում մզկիթների, ոչնչացվում մշակութային կոթողները, պղծվում գերեզմանները։
Կարդացեք նաև
🔹Անդրադարձա Արցախում բենզինի պայթյունի դեպքի դաժան հետևանքներին, որի ժամանակ անգամ առաջին անհրաժեշտության օգնություն հնարավոր չի եղել պատշաճ իրականացնել Ադրբեջանի առաջացրած խոչընդոտների պատճառով։
🔹Նշեցի Արցախի Հանրապետության քաղաքական և ռազմաքաղաքական վերնախավի, բոլոր գերիների անհապաղ վերադարձի, անհայտ կորածներին գտնելու ուղղությամբ միջազգային ջանքերի կարևորության մասին: Տեղեկացրի, որ 2020թ․ հունվարի 31-ից Ադրբեջանը միակողմանի դադարեցրել է վերջիններիս որոնողական աշխատանքները։
🔹Ընդգծեցի, որ քաղաքակիրթ հանրությունը պետք է ցանկացած ջանք գործադրի, որպեսզի պահպանվի ՀԱՅԿԱԿԱՆ Արցախը մինչև արցախահայության՝ իր պատմական հայրենիք վերադառնալը։
ԹԱԳՈՒՀԻ ԹՈՎՄԱՍՅԱՆ
ԱԺ մարդու իրավունքների պաշտպանության և հանրային հարցերի մշտական հանձնաժողովի՝ ապօրինաբար լիազորությունները դադարեցված նախագահ, անկուսակցական պատգամավոր
