«Հանրային ներդրումների կոմիտեում առաջիկայում մենք սպասում ենք մետրոյի «Աջափնյակ» կայարանի կառուցման շուրջ քննարկում, որից հետո նախագիծը կգա կառավարության նիստ»,-այս մասին այսօր կառավարության նիստում ասաց վարչապետ Նիկոլ Փաշինյանը։
Նա քաղաքապետ Տիգրան Ավինյանից հետաքրքրվեց՝ իրատեսակա՞ն է այս տարի մրցույթ հայտարարելը:
Ի պատասխան Ավինյանն ասաց․ «Մենք արդեն ունենք «Աջափնյակ» մետրոյի կայարանի ամբողջական նախագիծը, այս պահի դրությամբ փորձաքննությունների փուլում է։ Համալիր փորձաքննություններ իրականացնելուց հետո, հուսով եմ, որ մենք կարողանալու ենք ներդրումային կոմիտեի հաջորդ նիստին քննարկել ամբողջական նախագիծը: Այս տարի նույնիսկ հույս ունեմ, որ կարողանալու ենք սկսել շինարարությունը: Եթե այս տեմպերը կարողանանք պահպանել, վստահաբար 4 տարին, որի մասին խոսել ենք, կարողանալու ենք պահպանել: 4 տարում մենք մետրոյի կայարանը կունենանք»։
Մանրամասն՝ տեսանյութում
Կարդացեք նաև
Նելլի ԲԱԲԱՅԱՆ
Լուսանկարում՝ Երևանի մետրոպոլիտենի Աջափնյակ կայարանի էսքիզային առաջարկը
