Հարցազրույց Արցախի 7-րդ գումարման ԱԺ պատգամավոր Դավիթ Գալստյանի հետ
– Այստեղ բնակվող արցախցիների վիճակն ինչպե՞ս կգնահատեք։ Կարողանո՞ւմ են լուծել իրենց սոցիալական խնդիրները, գտնել աշխատանք։
– Ամենօրյա շփումներ եմ ունենում արցախցիների հետ։ Մեծ մասի վիճակը շատ ծանր է։ Հիմնական խնդիրը տների հարցն է, վարձակալության գները, բայց ամենամեծ խնդիրներից է զբաղվածության հարցը։ Շատ արցախցիներ երբ դիմում են աշխատանքի համար, հանդիպում են բազմաթիվ արհեստական խոչընդոտների՝ գրանցման հասցեներ են պահանջում, նոր անձնագրեր, որտեղ չեն լինի արցախյան գրանցումներ։ Այս բոլոր խնդիրները ստեղծվում են օրվա իշխանությունների կողմից։ Մարդիկ օրերով հերթերի մեջ են` ժամանակավոր հաշվառում ստանալու համար, եւ շատերը, որ հիմա են դիմում, ժամանակավոր պաշտպանության կարգավիճակ ստանալու համար, ստիպված են մինչեւ ապրիլ, մայիս սպասել, քանի որ հերթեր են։
– Ձեր կարծիքով, ի՞նչ քայլեր պետք է իրականացվեն, որոնք ՀՀ կառավարությունը չի անում: Իրենք ներկայացնում են, թե պետական ապարատն անում է ամեն ինչ՝ լուծելով սոցիալական խնդիրները, զբաղվածության հարցերը։
Կարդացեք նաև
– Իրականում ողջ պետական ապարատը զբաղված է արցախցիների համար արհեստական խնդիրներ ստեղծելու գործով, օրինակ, մենք ունենք ՀՀ անձնագիր եւ հանդիսանում ենք ՀՀ քաղաքացի, եւ իմ ու ձեր անձնագրերը եռանիշ կոդով են տարբերվում, որը տարբերվում է նաեւ ՀՀ տարբեր մարզերի բնակիչների դեպքում, ի՞նչ կարիք կար ստիպել արցախցիներին` փոխել իրենց անձնագրերը, ես չեմ հասկանում։
Հոդվածն ամբողջությամբ՝ «Հրապարակ» օրաթերթի այսօրվա համարում:
