Ermenihaber. Սիրիայի Հասեքե նահանգի Միշերֆե թաղամասում գտնվող Սերդեմի անվան շենքում Հայոց ցեղասպանությանն առնչվող միջոցառում է անցկացվել:
Միջոցառումը կազմակերպվել է Սիրիայի հայ համայնքի խորհրդի և հայ կանանց միության կողմից:
Դրան մասնակցել են քաղաքացիական և հասարակական կազմակերպություններ, կանանց շարժումներ, քաղաքական կուսակցության ներկայացուցիչներ, ինչպես նաև հարյուրավոր այլ մարդիկ:
Կազմակերպիչներից Սիրիայի հայ համայնքի խորհրդի համանախագահ Իմադ Տետերյանն իր ելույթում նշել է.
Կարդացեք նաև
«Մենք Հայոց ցեղասպանության երեխաներն ենք, ոորոնք գտնվում են Սիրիայի հյուսիսային և արևելյան տարածքներում: Մենք փորձում ենք կենդանի պահել մեր այն մշակույթը, որը թշնամին փորձել է ջնջել: Ագրեսոր թուրքական պետությունը թո՛ղ իմանա, որ մենք կանք և շարունակելու ենք լինել: Ոչ ոք մեզ չի կարող ոչնչացնել: Մենք ցավով ենք վերաբերվում օկուպանտ թուրքական պետության կողմից մեր հողերի նկատմամբ իրականացված հարձակումներին: Սակայն մենք հավատում ենք ժողովուրդների միասնականությանը և ունենք ամուր կապեր»:
Ապա նաև հավելել, որ իրենք հաղթելու են բռնագրավմանը և պայքարելու են բոլոր զավթիչների դեմ:
Տետերյանի ելույթից հետո հայերի նկատմամբ իրականացված ցեղասպանության մասին պատմող ֆիլմ է ցուցադրվել:
Բացի այդ, միջոցառման ընթացքում բեմադրվել է «Աղոթի՛ր մեզ համար» ներկայացումը և պարով հանդես է եկել «Արցախ» պարային համույթը:
