«Արմենպրես» լրատվական գործակալության մամուլի սրահում հրավիրված ասուլիսի ժամանակ ՀՀ առողջապահական և աշխատանքի տեսչական մարմնի ղեկավար Սլավիկ Սարգսյանն ասաց՝ առողջապահական բլոկում խախտումների մեծ մասը դեղերի շրջանառության վերահսկողության ոլորտում չգրանցված, օրենքի խախտմամբ ներմուծված դեղերի մասով է՝ ներմուծում, իրացում։
Հարցին՝ չգրանցված դեղերի շրջանառության մասով ունե՞ք վիճակագրություն՝ քանի տնտեսվարող է պատասխանատվության ենթարկվել, նա պատասխանեց․ «2023-ին 460-500 միլիոն տույժի են ենթարկվել տնտեսվարողները։ 2023-ի ստուգումների արդյունքում 2024-ին տույժի է ենթարկվել մեկ տնտեսվարող՝ 850 միլիոն դրամ»։
Փաստմանը՝ քաղաքացիները սկսած 2023-ի ապրիլից մինչև դեկտեմբեր տեսչական մարմնի տեղեկատվական հարթակում շրջանառում են այն, որ տեղական արտադրողի կողմից ստեղծված դեղերի օգտագործման ժամանակ արձանագրվել են վնասակար կողմնակի ազդեցության դեպքեր, որոնք առաջին, երկրորդ դասի թերություններ են և հարցին՝ ի՞նչ քայլեր են ձեռնարկվում տեսչական մարմնի կողմից բնակչությանը անորակ դեղամիջոցների օգտագործումից պաշտպանելու ուղղությամբ, բացի շրջանառությունից հանելը և հետկանչի կարգադրագիր տալը, Սլավիկ Սարգսյանը պատասխանեց․ «Երբ տեսչական մարմնի համապատասխան եզրակացությունն է ստացվում, որոշվում է՝ նշվածը հետկանչի ենթակա՞ է, թե՞ առայժմ շրջանառության դադարեցման ենթակա է։ Բացի իրազեկելը՝ տեսչական մարմինը վերահսկողության շրջանակում տուգանքներ է իրականացնում, այսինքն՝ եթե անգամ անորակ դեղը մնա շրջանառության մեջ, տեսչական մարմինն իր վերահսկողության ընթացքում էլ ավելի ուշադիր է նմանատիպ դեղերի մասով։ Եթե մի տեղ վերահսկողություն ենք իրականացնում, տեղյակ չենք՝ ինչ կարող է այնտեղ արձանագրվել, ու արդյոք դա չգրանցվա՞ծ է կամ մինչև համապատասխան ուսումնասիրություն չի արվում, այս դեպքում հստակ տրվել է կարգադրագիր դեղի մասով, որ պիտի հետ կանչվի կամ դադարեցվի, տեսչականի աշխատակիցներն ավելի ուշադիր են վերահսկողության մասով»։
Հարցին՝ տեսչական մարմնի ռեսուրսները բավարա՞ր են, քաղաքացին վստահ լինի՞, որ որակյալ դեղ կարող է դեղատնից ձեռք բերել, Սլավիկ Սարգսյանը պատասխանեց․ «Բավարար են, թե ոչ մեր ռեսուրսները՝ բարդ կլինի ասել։ Դեղերի շրջանառության ոլորտում նախորդ տարի իրականացրել ենք 172 ստուգում և միգուցե 5000 և ավել լիցենզիա ունեցող կազմակերպության շրջանակում։ Այս տարի մոտ 200 ստուգում ենք նախատեսել։ Թե այդ օրինախախտ որոշ տնտեսվարողները դուրս կմնան այդ ստուգումների շրջանակից կամ իրենց մասով դիմում բողոք չի ստացվի, այդ մասով խնդիր է։ Իսկ միգուցե նրանք, որոնք չեն ներգրավվել, հենց միգուցե խախտումները նրանց մո՞տ լինի։ Տեսչականը պատրաստակամ արձագանքում է ամեն զանգի, և եթե անգամ ինչ-որ կասկած է առաջանում քաղաքացիների մոտ, խնդրում եմ զանգահարել թեժ գիծ, արագ ընթացք կտրվի, որ դեղը չհասցնեն դեղատնից հանել»։
Կարդացեք նաև
Հարցին՝ կա՞ն տեսանելի հատկանիշներ, որ քաղաքացին դեղը գնելիս պետք է ուշադրություն դարձնի, Սլավիկ Սարգսյանը պատասխանեց․ «Բարդ է ասելը։ Ունենք գրանցամատյան, որտեղ բոլոր գրանցված դեղերն առկա են, բայց օրենքը թույլ է տալիս համապատասխան հավաստագրման և համապատասխան իրավիճակի դեպքում լիազոր մարմնին տալ թույլտվություն նաև չգրանցված դեղի՝ կախված իրավիճակից և թե ինչ խմբի միգուցե դեղ է հարկավոր։ Հնարավոր է նաև գրանցամատյանին չհամապատասխանի, բայց հավաստագրի պայմաններում և համապատասխան թույլտվությամբ շրջանառվի ՀՀ-ում։ Թող կասկածելի հարցերում քաղաքացիները մեզ դիմեն։ Եթե կարող ենք պատասխանել, որ նորմալ է, կպատասխանենք, եթե ոչ, վարչական վարույթ կհարուցվի, կպարզվի, քաղաքացու պատասխանը կտրվի»։
Տաթև ՀԱՐՈՒԹՅՈՒՆՅԱՆ
