ՀՀ 3-րդ նախագահ Սերժ Սարգսյանն այսօր դատական նիստից հետո լրագրողների հետ ճեպազրույցում անդրադարձել է ադրբեջանական կողմից՝ Հայաստանի ընդդիմությանը ռեւանշիստներ անվանելուն։
Լրագրողի դիտարկմանը, որ Ադրբեջանի նախագահը պահանջում է խաղաղության պայմանագրում ամրագրվի, որ ռեւանշ չի լինելու Լեռնային Ղարաբաղի հարցում, Սարգսյանն ասաց՝ ռեւանշ բառը շատ է օգտագործվում մեր հասարակության մեջ․ «Տարակուսում եմ, այսինքն ռեւանշ ասելով որեւէ վատ բա՞ն եք հասկանում։ Ես երկար ժամանակ է շախմատի աշխարհում եմ, գիտե՞ք՝ քանի անգամ է եղել, որ «մատչ ռեւանշ» են ասել աշխարհի չեմպիոնության համար։ Միթե այն մարդիկ խելացի չեն եղել։ Ուրիշ բան, որ կա փիլիսոփայական տերմին՝ ռեւանշիստներ, բայց այդ տերմինը չգիտեմ՝ որքանով է գիտական եւ որքանով է հնարված այն մարդկանց կողմից, որոնք ինչ-որ բանի հասել են եւ ուզում են դրա վրա մնալ ամբողջովին ու ուրիշին ոչինչ չտալ։ Ես ռեւանշի տակ վատ բան չեմ հասկանում։ Այսինքն, ադրբեջանցիների համար ռեւա՞նշ էր սա, եթե այդպես է, ապա իրենց կարելի՞ է, մեզ չի՞ կարելի։ Մի՞թե մենք հասել ենք այն աստիճանի, որ իրենց ամեն ինչ կարելի է, մեզ ոչինչ չի կարելի»։
Լրագրողի դիտարկմանը, որ ռեւանշիստ ասելով ձեզ նկատի ունեն, ձեզանո՞վ են պայմանավորված Ադրբեջանի վախերը, Սարգսյանը պատասխանեց. « Չեմ կարծում, որ ես ինձանից հիմա այնպիսի ուժ եմ ներկայացնում, որ ադրբեջանցիները վախենան»։
Կարդացեք նաև
Նելլի ԲԱԲԱՅԱՆ
