Նախորդ տարվա հուլիսից մինչեւ այսօր կենսաթոշակառուները 62 մլրդ դրամի անկանխիկ առեւտուր են իրակացրել։ Այս մասին կառավարության այսօրվա նիստում ասաց Նիկոլ Փաշինյանը։ Ըստ նրա՝ ներդրված համակարգի միջոցով այս ընթցաքում 5,2 մլրդ դրամ է վերադարձվել կենսաթոշակառուներին։ «Ընդ որում, մենք ամեն ամսվա հետ տեսնում ենք, որ անկանխիկ առեւտրի ծավալները մեծանում են»,- ասաց նա։
Կառավարությունն այսօրվա նիստում ընդունեց որոշում, ըստ որի՝ եթե նախկինում անկանխիկ առեւտրից հետվերադարձի գումարի 5 տոկոսը կենսաթոշակառուներին վճարում էին բանկերը, մյուս 5 տոկոսը՝ կառավարությունը, ապա այսուհետ 10 տոկոսն էլ կվճարի կառավարությունը։
«Մենք շնորհակալություն ենք հայտնում բանկերին, որոնք մասնակցել են այս ծրագրին, բայց հունվարի 1-ից ամբողջ 10 տոկոսը կվճարվի պետական բյուջեից։ Սա մեզ հնարավորություն կտա, որպեսզի թոշակառուներին բանկից բանկ չուղարկենք։ Իհարկե, անհասկանալի էր նաեւ այն բանկերի գործելակերպը, ովքեր չմիացան կամ ուշ միացան, բայց դա առանձին թեմա է, մենք այդ խնդիրներին առանձին կանդրադառնանք։ Այս պահին հետեւյալ արձանագրումն եմ ուզում անել՝ հունվարի 1-ից ամբողջը վճարելու է պետական բյուջեն, այսինքն՝ բոլոր թոշակառուներն ու նպաստառուներն անկանխիկ առեւտրի դեպքում հետվճար ստանալու են բյուջեից»,- ասաց Փաշինյանը։
Կարդացեք նաև
Ռոզա ՀՈՎՀԱՆՆԻՍՅԱՆ
