Հայաստանի Հանրապետության արդարադատության նախարարության «Նուբարաշեն» քրեակատարողական հիմնարկի օպերատիվ և անվտանգության ապահովման բաժինների ծառայողները, իրացնելով ստացված օպերատիվ տեղեկությունները, դեկտեմբերի 22-ին՝ ժամը 13։00-ի սահմաններում, զննության են ենթարկել կալանավորված անձ Կ․Դ․-ի անվամբ քաղաքացի Հ․Մ․-ի կողմից որպես հանձնուք բերված սառնարանը։
Զննությամբ սառնարանի երկու կողային հատվածներում նախապես պատրաստված թաքստոցներից հայտնաբերվել են 18 բջջային հեռախոս, 2 wi-fi սարք, 9 զույգ ականջակալ, լիցքավորման 6 լար, 1 լիցքավորիչ, սմարթ ժամացույց, բջջային հեռախոսի էկրան, ինչպես նաև 4 տուփ գործարանային արտադրության խաղաքարտեր։
Բացի այդ՝ թաքստոցներից հայտնաբերվել են տարբեր տարողությամբ 22 պլաստմասե տարաներ, որոնցում առկա են եղել ալկոհոլին բնորոշ հոտով, մուգ շագանակագույն և անգույն հեղուկ զանգվածներ։
Կարդացեք նաև
Դեպքի առթիվ նախապատրաստվում են նյութեր։
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ
ՔՐԵԱԿԱՏԱՐՈՂԱԿԱՆ ԾԱՌԱՅՈՒԹՅՈՒՆ
