Մարդու իրավունքների պաշտպան Անահիտ Մանասյանն այսօր լրագրողների հետ ճեպազրույցում անդրադարձավ հարցին, թե ի՞նչ իրավական ակտի հիման վրա ազատ արձակվեցին ու Ադրբեջանին հանձնվեցին ՀՀ-ում ազատազրկման դատապարտված ադրբեջանցի երկու դիվերսանտները։
Հիշեցնենք, որ դեկտեմբերի 13-ին Ադրբեջանը Հայաստանին հանձնեց 32 հայ գերիների, իսկ դրա դիմաց ՀՀ-ն Ադրբեջանին փոխանցեց ադրբեջանցի 2 դիվերսանտ ահաբեկիչներին, որոնցից մեկը սպանել էր Զանգեզուրի պղնձամոլիբդենային կոմբինատի պահնորդ Հայրապետ Մելիքսեթյանին։
Հայաստանում հարցադրումներ են հնչում, թե ի՞նչ հիմքով ու իրավական ակտով են ՀՀ բանտերից ազատ արձակվել ու Բաքվին փոխանցվել ցմահ ազատազրկման դատապարտված Հուսեյն Ախունդովն ու 11 տարի ազատազրկման դատապարտված Ագշին Բաբիրովը։
«Այս պահին դեռեւս ես չունեմ դրա վերաբերյալ գրավոր տեղեկատվություն։ Եթե խոսքը գերիներին է վերաբերում, իմ գործառույթի շրջանակներում ես եւ իմ ներկայացուցիչներն այցելել ենք նրանց, պարզապես խորհրդատվական զրույցներ ենք ունեցել։ Հիմա վերլուծում եւ ամփոփում ենք մեր ստացած տեղեկատվությունը, մնացյալ հարցերի հետ կապված դեռեւս չունեմ գրավոր տեղեկատվություն»,- ասաց Անահիտ Մանասյանը։
Կարդացեք նաև
Ռոզա ՀՈՎՀԱՆՆԻՍՅԱՆ
