Օրերս Երևանի Շառլ Ազնավուրի անվան մշակույթի և արվեստի պետական քոլեջում կայացավ «Ազնավուրականների տեսախցիկից» խորագրով լուսանկարչական ցուցահանդես-մրցույթ` «Լուսանկարչական գործ» մասնագիտության ուսանողների մասնակցությամբ։ Ներկայացված բոլոր աշխատանքները խորհրդավոր ու ինքնատիպ էին։
«Նկարներն ընտրելիս մի քիչ դժվարության առաջ էինք կանգնած, քանի որ ներկայացված աշխատանքները հիմնականում հավասար էին։ Ամեն դեպքում եկանք որոշման և ընտրեցինք լավագույններին»,-ասաց ցուցահանդես մրցույթի ժյուրիի նախագահ, «Ֆոտոլուր» լրատվական գործակալության ղեկավար Մելիք Բաղդասարյանը:
«Լավագույն դիմանկար» անվանակարգում հաղթող ճանաչվեց Արթուր Հարությունյանի աշխատանքը, «Լավագույն բնանկար»` Լիա Լազարյանի աշխատանքը, իսկ «Լավագույն մտահղացումը» տրվեց Սոնա Մատինյանին։
«Շարունակեք լուսանկարել։ Որքան շատ լուսանկարեք, այնքան ավելի շատ կբացվեն ձեր աչքը, միտքը և ձեռքը։ Ինչն էլ կօգնի կայանալ` որպես լուսանկարիչ»,-ասաց «Ազնավուր» քոլեջի տնօրեն Վրեժ Կիրակոսյանը։
Կարդացեք նաև
Հ. ՀԱԿՈԲՅԱՆ
