Ալավերդու համայնքապետարանում կայացավ աշխատանքային խորհրդակցություն, որին մասնակցում էին համայնքապետարանի համապատասխան բաժինները։
Համայնքի ղեկավարը խորհրդակցության սկզբում հատուկ շեշտեց այն հանգամանքը, որ համայնքապետարանը պատասխանատու շրջան է թևակոխում, և սահմանված ժամկետներում ավագանու հաստատմանը պետք է ներկայացվի համայնքի` 2024 թվականի բյուջեն:
Քննարկվեցին քաղաքում աղբահանության և սանիտարական մաքրման աշխատանքներին, չսահմանված վայրերում բացօթյա առևտրին, հասարակական տրանսպորտի աշխատանքներին, համայնքապետարանի և առանձնացված ստորաբաժանումների կողմից քաղաքացիներին ծառայություների մատուցման որակին առնչվող հարցեր, տրվեցին հանձնարարականներ համապատասխան բաժիններին։ Անդրադարձ կատարվեց նաև համայնքապետարանի գործառույթներին վերաբերող այլ խնդիրներ և տրվեցին հանձնարարականներ դրանց լուծման նպատակով։
Համայնքի ղեկավարը, կարևորելով յուրաքանչյուր բաժնի դերը, առանձնացրեց քաղաքաշինության և հողաշինության բաժնին, որի աշխատանքը պետք է հիմնված լինի ինչպես արդյունավետության վրա , այնպես էլ պետք է պահպանի ու բարեկարգի համայնքի արտաքին տեսքն ու առանձնահատկությունները։
Կարդացեք նաև
Խորհրդակցության ավարտին համայնքի ղեկավարը ևս մեկ անգամ շեշտեց այն մասին, որ համայնքապետարան մտնող ցանկացած բնակչի պետք է մատուցվի որակյալ ծառայություն, ինչն ամենակարևորն ու առաջնայինն է։
Ալավերդու համայնքապետարան
