Եվրամիությունից դուրս գտնվող 11 երկրներ միացել են Եվրոպական խորհրդի «Մագնիտսկու եվրոպական ցուցակը» մեկ տարով երկարաձգելու որոշմանը։ Դրանց թվում են նաև Հայաստանը և Ադրբեջանը։ Այս մասին հայտարարել է եվրոպական դիվանագիտության ղեկավար Ժոզեպ Բորելը։
«Խորհուրդը երկարաձգել է գործող սահմանափակող միջոցները ևս տասներկու ամսով՝ մինչև 2024 թվականի դեկտեմբերի 8-ը և փոփոխել սահմանափակող միջոցների ենթակա ֆիզիկական և իրավաբանական անձանց ցանկը։
Խորհրդի որոշմանն աջակցել են Հյուսիսային Մակեդոնիան, Չեռնոգորիան, Ալբանիան, Ուկրաինան, Մոլդովայի Հանրապետությունը և Բոսնիա և Հերցեգովինան, Իսլանդիան, Լիխտենշտեյնը և Նորվեգիան, որոնք Եվրոպական տնտեսական տարածքի անդամ են, ինչպես նաև Հայաստանն ու Ադրբեջանը։
Նրանք կապահովեն, որ իրենց ազգային քաղաքականությունը համապատասխանի Խորհրդի այս որոշմանը:
Կարդացեք նաև
Եվրամիությունն ի գիտություն է ընդունում այս պարտավորությունը և ողջունում այն»,- ասված է հայտարարության մեջ:
