Լույս է տեսել «Կյանքից առավել» գրքի երկրորդ հատորը։ Գրքում ներառված է 2020 թ. Արցախյան 44-օրյա պատերազմի անմահ հերոսների 56 կենսապատում՝ կենդանի ու վառ գույներով։
«Որդուս» ՀԿ–ն տեղեկացնում է․ «Գրքի հերոսները բանաստեղծներ են, նկարիչներ, երաժիշտներ, զինվորականներ…. կամ ուղղակի հազար ու մի երազանքով լի վառվռուն պատանիներ։ Նրանց բոլորին միավորում է մեկ բան՝ անմնացորդ սերը հայրենիքի և հայրենակցի նկատմամբ։ Ընթերցողը կկարդա բազմաթիվ ծիծաղելի, խորիմաստ ու հերոսական պատմություններ, կժպտա ու կհուզվի՝ հայտնվելով հերոսների աշխարհում»։
