Տեխնոլոգիական առաջատար երկու ընկերություններ՝ Վիվա-ՄՏՍ-ն ու Yandex Plus-ը ներկայացնում են համատեղ առաջարկ՝ բջջային կապից օգտվողների համար:
ՏՀՏ ոլորտում Հայաստանի առաջատար Վիվա-ՄՏՍ-ը միշտ ձգտում է իր բաժանորդներին առաջարկել ավելին, քան բջջային կապի ծառայություններն են։ Ընկերությունն այժմ կենտրոնացած է թվային լուծումների վրա:
Այսօրվա նորարարության թիրախում բաժանորդի համար ստեղծված անվճար առաջարկն է. Վիվա-ՄՏՍ-ի «X» և «Y» սակագնային պլանների կանխավճարային և հետվճարային բաժանորդներին հասանելի է դարձել «Yandex Plus» բաժանորդագրությունը: Երաժշտություն և փոդքասթներ Yandex Music-ում, ֆիլմեր և սերիալներ Kinopoisk-ում, էլեկտրոնային և աուդիոգրքեր Bookmate-ում, ինչպես նաև Yandex Go հավելվածի «Կոմֆորտ» և դրանից բարձր սակագներով 10%-ով մատչելի ճամփորդելու հնարավորություն:
Կարդացեք նաև
Երևանում կայացած համատեղ մամուլի ասուլիսի ընթացքում Վիվա-ՄՏՍ-ի գլխավոր տնօրեն Արմեն Ավետիսյանն ու Yandex-ի հայաստանյան գրասենյակի համակարգող, նոր պրոդուկտների գծով տնօրեն Դմիտրի Ստեպանովը ներկայացրել են Վիվա-ՄՏՍ-ի և Yandex Plus-ի համագործակցության մանրամասները։
Մասնավորապես, Yandex Music ծառայությունն անցել է առաջարկությունների նոր մոդելի՝ օգտագործելով խորը նեյրոնային ցանցեր «Իմ ալիքը» առաջարկությունների համակարգում և ստացել բջջային հավելվածների հիմնական բաժինների թարմացում՝ ներառյալ բրենդինգը, լոգոն և վիզուալիզացիան: Այժմ դրանք ավելի լավ են արտացոլում լսողի հույզերն այն պահերին, երբ Yandex Music-ը կռահում է ունկնդրի երաժշտական նախասիրությունները և փնտրելով՝ հրամցնում է նախընտրելի երաժշտությունը: «Իմ ալիքը» խելացի առաջարկությունների համակարգն այժմ օգտագործում է խորը նեյրոցանցեր՝ հասկանալու, թե ինչպես են զարգանում օգտատերերի երաժշտական հետաքրքրությունները և կանխատեսում դրանց զարգացման հնարավոր տարբերակները: Դրա շնորհիվ, «Իմ ալիքը» երեք անգամ ավելի արագ է բացահայտում նոր կատարողներին, քան դա կարող էր անել ունկնդիրը:
«Արհեստական բանականության կիրառումը հնարավորություն է տալիս բացահայտել հաճախորդի կարիքներն ու գոհացնել նրա սպասումները: Հեռահաղորդակցության թվային վերափոխման դարաշրջանում «բաժանորդ» եզրույթին փոխարինելու է գալիս «հաճախորդ» եզրույթը: Ձայնային կապին ու ինտերնետ հասանելիությանը միանում է արհեստական բանականությունը՝ թույլ տալով չափազանց արագ կռահել յուրաքանչյուր անհատի նախասիրությունները: Արդյունքում՝ անասելիորեն ավելանում է առավել հարմար, թիրախավորված ու մատչելի լուծումներ առաջարկելու հնարավորությունը: Թվային վերափոխումը շարունակական է, և այս ոլորտում ևս Վիվա-ՄՏՍ-ը եղել ու մնում է առաջատար: Մեր թիմը ջանք չի խնայում մեր հաճախորդներին ամենալավը տրամադրելու համար՝ գործակցելով տեխնոլոգիական առաջատարների հետ, որոնցից մեկը տարբեր շուկաներում նորարար լուծումներ ներդրած Yandex Plus-ն է», – ասել է Վիվա-ՄՏՍ-ի գլխավոր տնօրեն Արմեն Ավետիսյանը:
«Երաժշտության մեջ մարդկանց նախասիրությունները հաստատուն չեն, ժամանակի ընթացքում դրանք կարող են փոխվել տարբեր դինամիկայով։ Օրինակ, երբեմն մարդիկ կարճ ժամանակով «սիրահարվում են» որոշակի արտիստի կամ ժանրի, բայց այդ հրապուրանքն արագ անցնում է։ Եվ կան այլ օրինաչափություններ՝ երբ մարդը գտնում է իր սիրելի երաժշտությունը և երկար ժամանակ մնում դրա հետ։ Նրա նախապատվությունները կամաց-կամաց փոխվում են, նա աստիճանաբար անցնում է մի ժանրից մյուսը, հաճախ նույնիսկ չնկատելով դա։ Այսպիսով, վերլուծելով ունկնդրության պատմությունը, երաժշտական կատարումների հաջորդականությունը և այլ գործոններ, «Իմ ալիքը» այժմ կարողանում է ըմբռնել մարդու երաժշտական ճաշակի զարգացման ուղղությունը և կանխատեսել նրա նախասիրությունները: Սա նման է ժամանակակից լեզվական մոդելների աշխատանքին, ինչպիսին է Yandex GPT-ն, բայց՝ երաժշտության համատեքստում»,- ասել է Յանդեքսի նոր պրոդուկտների գծով տնօրեն Դմիտրի Ստեպանովը։
Վիվա-ՄՏՍ-ի «X» և «Y» սակագնային պլանների կանխավճարային և հետվճարային բաժանորդները կարող են ակտիվացնել Yandex Plus ծառայությունը My Viva-MTS հավելվածում: Կանխավճարային բաժանորդագրության դեպքում ծառայությունն ակտիվանում է ներառված փաթեթների հաջորդ ակտիվացման պահին, իսկ հետվճարայինների դեպքում՝ ակտիվացմանը հաջորդող ամսվա առաջին օրը:
Վիվա-ՄՏՍ-ը (ՄՏՍ Հայաստան ՓԲԸ) Հայաստանի շարժական կապի առաջատար օպերատորն է, որն ունի ամենաընդարձակ ցանցը և տրամադրում է ձայնային և տվյալների փոխանցման ծառայությունների բազմազան տեսականի` Հայաստանի ամբողջ տարածքում: Գործունեության հիմք ընդունելով իր բաժանորդների շահերին լավագույնս ծառայելը՝ հիմնադրման օրվանից` 2005թ. հուլիսի 1-ից, Վիվա-ՄՏՍ-ը կարճ ժամանակամիջոցում կարողացել է ստեղծել համահանրապետական ցանց և բաժանորդների մեծ բազա: Վիվա-ՄՏՍ-ը նորարարությունների առաջատար է և հետամուտ է ոլորտի բոլոր զարգացումներին` ի շահ երկրի շարժական հեռահաղորդակցության շուկայի: Վիվա-ՄՏՍ-ը գործունեության մեջ առաջնորդվում է ISO 26000` Սոցիալական պատասխանատվության, ISO/IEC 27001:2013` Տեղեկատվական անվտանգության կառավարման համակարգի, ինչպես նաև ISO 37001` հակակոռուպցիոն և կաշառակերության կանխարգելմանն ուղղված միջազգային ստանդարտներով: Հավելյալ տեղեկություններ ստանալու համար այցելեք www.mts.am
